Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Koopera Euskadiko I. Merkatu Ekologiko eta Solidarioa inauguratu dute Bilbon


2009-02-10 16:55

BILBO, 10 (EUROPA PRESS)

Koopera Euskadiko I. Merkatu Ekologiko eta Solidarioa inauguratu du gaur goizean Bilbon Jose Luis Bilbao Bizkaiko diputatu nagusiak. Proiektu berri hau Koopera Gizarte Sareak sustatu du eta bazterkeria egoeran edo arriskuan dauden pertsonak gizarteratzea eta laneratzea, eta ingurumenaren aldeko jarduerak garatzea bilatzen du.

Kooperako Marketing zuzendaria den Cristina Larrayozek esan bezala, Koopera Merkatua herritarren topagunea izango da, ekonomia solidarioa garatzeko lekua, eta egoera sozial guztiek izango dute lekua: langileak, bezeroak, dohaintzak jasotzen dituzten pertsonak, ikastetxeak, erakunde publikoak, eta noski, herritarrak.

Kooperako presidentea den Jose Luis Lopezek Toti Martinez de Lezeak idatzi eta emandago ipuina eman die Kooperarekin batera azoka sortzen lan egin duten erakundeei, hau da, Bizkaiko Foru Aldundiari, BBK Solidarioari, Lan Ekintzari eta Ihoberi.

Bizkaiko Foru Aldundiak uste du proiektu honek eragin handia izango duela lurraldean, gizarteratzearen eta elkartasunaren alde sortu delako. Gainera, erakunde publikoen eta gizarte sektorearen arteko lankidetza erakusten duela azpimarratu dute.

Koopera merkatuak inguruko bizitza komertzial eta soziala dinamizatzeko beste modu bat eskaini nahi du, eta kontsumo iraunkor eta arduratsuaren eredu izan nahi du. Horregatik, berreskuratutako produktuak eskainiko ditu, besteak beste, ekorroparen moda, jostailuak, liburuak, elektrotresnak, luxuzko arropa eta bestelakoak.

Gainera, azokak elikadura ekologikoaren alde egingo du, nekazariei babesa emateko, bioaniztasunaren defentsa bermatzeko eta bertako merkatua indartzeko. Halaber, 800 metro koadro baino gehiago dituen merkatu honetan, bidezko merkataritzako produktuak eskainiko dira, Hegoaldeko herrien egoera hobetzeko helburuarekin.

Merkatuak bi prestakuntza-gela izango ditu pertsonei lan arloko orientazioa emateko, bai eta erakusketa, hitzaldi, kultur eta aisialdi jardueretarako areto bat ere; gainera, ingurumena zaindu eta ekonomia solidarioa garatzeko sentsibilizazio jarduerak ere izango dira.

Lokal abangoardista hau Fernandez Del Campo kaleko 16 eta 18 zenbakietan egongo da, Bilboko hirigunean bertan. Diseinua artista hauen esku egon da: Sol Aguirre, barne-dekoratzailea, eta Javier Bengoa Mungi, arkitektoa.


474 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin