Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kontseiluak guztira Basauriko 17 lantalderi banatu dizkie gaur goizean Bai Euskarari Ziurtagiria


2006-02-17 11:29



BILBO, 17 (EUROPA PRESS)

Kontseiluak Bai Euskarari Ziurtagiriaren banaketa egin die gaur goizean Basauriko hainbat, enpresa, saltokiri eta era guztietako entitateei, guztira 17ri, Ibaigane Kultur Etxean egin den ekitaldian.

Itziar Ituño aktore basauriarrak aurkeztu du ekitaldia eta aurten ere herritarrek egunerokoa euskalduntzeko ahalegina egin dute, adierazi du Xabier Mendigurenek, Kontseiluko idazkari nagusiak.

Ekitaldi honetan Basaurin euskararen normalizazioa lortzeko konpromisoak hartu dituzten eragileek Bai Euskarari Ziurtagiria eskuratu dute. Bai Euskarari Ziurtagiria jaso duten Basauriko entitateak euskararen etorkizuna ziurtatzeko prozesuaren protagonistak dira, azpimarratu du Kontseiluko idazkari nagusiak.

Euskara bizitzako hainbat arlotan normaltasunez ikusi eta entzun dadin lortzen ari dira. Bai Euskarari Ziurtagiriak balio beza konpromiso hori bideratu eta gizartearen aurrean harro azaltzeko, erran du Mendigurenek.

Basauriko euskalgintzak, bere aldetik, konpromisoaren bidean dauden entitateei lan horretan jarraitzeko animoak eman eta laguntzeko prest daudela gogorarazi nahi izan du. Gure herri handi honetan euskarak behar duen presentzia lortzen saiatzen jarraituko dugu, azpimarratu du Euskalgintzako ordezkariak.

Bai Euskarari Ziurtagiria duen entitate batek bere esperientzia azaldu du herriko bestelako enpresa eta saltokiak animatzeko. Iratxe Sabaletek, Tximintxe ordezkariak, Basauritar askok euskara ikasi dutela azaldu du. Dendari, tabernari, enpresari edota elkarteetako kideoi ere badagokigu urratsak ematea, euskaraz ere bizi nahi duen jendea geroz eta gehiago baita, azaldu du.

Kontseiluak era oso positiboan baloratu du ekimen hau. Euskararen Gizarte Erakundeen Kontseilua osatzen dugunontzat horrelako egunak pozgarriak dira, duela sei urte abian jarri genuen Bai Euskarari Akordioa, garatzen ari dela eta fruituak ematen dituela ikusten dugulako, bukatu du estaen Mendigurenek.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin