Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kolonbia, Mexiko eta Txileko ordezkaritzek Innobasque bisitatuko dute datorren astean bere lana ezagutzeko


2009-01-16 11:29

BILBO, 16 (EUROPA PRESS)

Innobasquek nazioarteko kontraste-programa bizia izango du datorren astean, Euskadin Gizarte eta Ekonomiaren Eraldaketarako zertzen ari den prozesua aurkezteko helburuarekin. Pedro Luis Uriarte Innobasqueko presidentea izango da Kolonbia, Mexiko eta Txileko ordezkaritza bat hartuko duen zuzendaritza-taldearen buru. Bisita ofizial hauen agenda Eusko Jaurlaritzako Kanpo Harremanetarako Idazkaritzarekin koordinaturik dago.

Horrela, urtarrilaren 20an, Kolonbiako presidenteorde Francisco Santosek bisitatuko du Innobasqueren egoitza, eta honela erantzungo dio iazko azaroan Pedro Luis Uriartek haren herrialdera egin zuen bisitari. Seguruenik Innobasque herrialde hartara itzuliko da 2009an, nazioarteko maila goreneko topaketa baten harira: Medellinen izango da ekainaren 18an eta 19an.

Bestalde, urtarrilaren 22an Innobasquera etorriko da San Luis Potosiko (México) ordezkaritza, Hector Mendizabal, Javier Salazar eta Alejandro Zapata buru direla. Ertamerikako herrialde honetan, Kolonbian eta Txilen bezala, Euskadiri atxikitako enpresen ezarpena handia izan da tradizioz, eta beraz Euskadiko eta Mexikoko ekonomiaren lotura hausnarketa-gaietako bat izango da bilera honetan.

Azkenik, urtarrilaren 30ean, 12:00etan, Txileko Michelle Bacheleten egungo gobernu demokristauan Ekonomia ministroa den Hugo Lavados izango da Innobasquen. Lavados ministroa aitortua eta goretsia da makroekonomia, mikroekonomia, ekonomia-garapen eta proiektuen ebaluazioaren arloetan.

Erakundezko harreman hauek, Eusko Jaurlaritzako Kanpo Harremanetarako Idazkaritzarekin koordinaturik Innobasquek sustatuak, azken hilabeteotan Innobasque nazioartean zertzen ari den kokatze eta kontraste-estrategiaren barruan sartzen dira.


342 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin