Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kirsty McGee ingelesak Mungian eta Bilbon joko du azaroaren 11n eta 12an, hurrenez hurren


2006-11-03 17:43

BILBO, 3 (EUROPA PRESS)

Kirsty McGee kantautore ingelesak bi kontzertu eskainiko ditu Euskal Herrian. Lehena Mungiako Mugire Txokoan izango da, azaroaren 11n, eta bigarrena Bilboko Euskalduna Jauregian, hilaren 12an, Serrano Produkzioen iturriek iragarri dutenez.

McGee Manchesterreko musika taldeen munduan hasi zen jotzen 19 urte zituenean, baina laster konturatu zen formatu akustikoago batekin bere hitzek zein musikak indar handiagoa edukiko zutela. Norabide aldaketa honek publiko berri bat eman zion, berehala berarekin bat egin omen zuena.

2001eko uztailean Brampton Live Festival delakoan jo zuen. May Priorrek orduko talentu berrietako bat gisa aurkeztu zuen. 30 minutu eskas geroago, 1.000 laguneko publikoak txaloka hartu zuen eszenatokitik alde egitean, eta jasotako txalo zaparrada gau hartako izar eta jaialdiko kartel-buru Suzanne Vegak jasotakoaren parekoa izan zen.

Laster, musika akustikoko industriako pertsonaia famatu batzuk hasi ziren McGeerenganako interesa azaltzen, eta honen emaitza izan zen bere lehen diskoa, Honeysuckle, 2002ko abuztuan Fellside diskoetxearekin kaleratua. John Wood ospetsuak (Richard Thompson, Nick Drake, John Martyn eta abarren ekoizlea) ekoitzi zuen, eta bertan Boo Hewerdinek, Clive Gregsonek eta Neill MacCollek lagundu zuten. Diskoak kritika ezin hobeak jaso zituen, eta irratian asko entzun zen.

Diskoa kaleratutakoan, bira luze bat etorri zen, eta, besteak beste, Londreseko South Bank Centreko The Purcell Room, hainbat britainiar jaialdi eta Songwriters in the Round biran jo zuen, Kristina Olsen, Jez Lowe eta Clive Gregsonekin batera.

2003ko hasieran Kirsty McGeek BBC Folk Awards sarietako Horizon Award sari ospetsurako (artista berri onena) izendatu zuten; bere ospea izugarri zabaldu zen, eta britainiar jaialdi gehienetan (Glasgoweko Celtic Connections izenekoan, Cambridge eta Sidmouthekoetan, besteak beste) agertu zen.

Urte horietan jarraitzaile talde ederra edukitzen hasi zen, eta biran zebilen bitartean abesti eder pilo bat konposatzen segitu zuen. Talendu handi bat agertu zen eta jendea bigarren diskoaren zain zegoen.

Kirstyk Park Recordsekin kontratu bat sinatu zuen, eta Boo Hewerdinek ekoitzi zion bigarren lana, Frost. Maiatzean diskoa Londresen aurkeztu zuen, 100 Club izenekoan, eta oso kritika onak eduki zituen; Coffee Coloured Strings singlea kaleratuz prentsaren arreta bereganatu zuen. Honen ondorioz, BBCk erabaki zuen abestia BBC-2 Irratiko ohiko errepertorioan sartzea. Erabaki erabat ez-ohikoa, abesti akustiko bat zelako.

2005eko hasieran berriro BBC Folk Awards sarietarako izendatu zuten, oraingoan Jatorrizko Abesti Onenaren sailean, eta sari-banaketa BBC-4k eman zuen.

Joan den urteko abuztu-irailean Kirsty grabazio-estudiora itzuli eta hirugarren diskoa grabatu zuen, berriro ere Park Records diskoetxearekin. Lan berri hau, Two Birds izenekoa, 2006ko otsailean argitaratu da.


231 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin