Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kirol zapatila batzuk ordaindu gabe eramaten saiatu diren bi gizon atxilotu dituzte Bilbon


2009-02-13 18:32

BILBO, 13 (EUROPA PRESS)

Ertzaintzaren agenteek bi gizonezko atxilotu zituzten atzo arratsaldean Bilbon, lapurreta falta bat leporatuta. Denda bateko segurtasuneko langileek bi kirol zapatila pare ordaindu gabe eraman nahian atzeman zituzten bi susmagarriak, Herrizaingo Sailak gaur jakinarazi duenez.

Atzo arratsaldean, 18:30ak pasatxo zirenean, Bilboko Campuzano Plazako denda bateko segurtasuneko langileek Ertzaintzako patruila baten laguntza eskatu zuten dendan lapurreta bat jazo zelako. Langile hauek, kameren bidez, bi gizonezko ikusi omen zituzten bi kirol zapatila pareren segurtasuneko gailuak puskatzen ordaindu gabe dendatik eramateko.

Ertzaintzaren patruila iritsi bezain laster adierazi zieten agenteei nortzuk ziren susmagarriak. Ertzainak eta segurtasuneko langileak hizketan ari zirela ikusita, ustezko lapurrek ziztu bizian alde egin nahi izan zuten dendatik baina geldiarazi egin zituzten. Susmagarrietako bat 27 urteko gizonezkoa zen eta bestearen nortasuna agenteek ezin izan zuten erabat zehaztu.

Ostean egin zieten miaketa batean, susmagarrietako batek arropa artean ezkutatuta zeuzkan Nike markako zapatila pare bat, lokarri bat (autoak indarrez irekitzeko erabili ohi dena) eta bi eskuko telefono aurkitu zituzten agenteek; gizonezkoak ezin izan zuen aurkitutakoa gainean zergatik zeraman azaldu. Beste susmagarriak bere aldetik, Adidas markako zapatila parea eta aliketak (segurtasun gailuak hausteko) zeramatzan gainean.

Bi zapatila pareen balioa guztira 143 euro ingurukoa zen, eta agenteek berehala atxilotu zituzten bi gizonezkoak lapurreta falta bat leporatuta eta ertxainetxera eraman zituzten.


1498 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin