Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kimuak 2005 bildumako bi laburmetraik Clermont-Ferrand-eko zinema jaialdi ospetsuan hartuko dute parte asteazkenean


2006-01-26 14:41

Nacho Vigalondoren Choque eta Borja Cobeagaren Éramos pocos otsailaren 1ean proiektatuko dira 1.400 pertsonen aurrean

BILBO, 26 (EUROPA PRESS)

Eusko Jaurlaritzaren Kultura Saileko Kimuak 2005 bildumako bi laburmetraik Clermont-Ferrand-eko zinema jaialdian (urtarrilaren 27tik otsailaren 4ra arte) parte hartuko dute , alegia, munduko ospetsuenean genero honi dagokionez.

Kultura saileko iturrien arabera, Estatu mailan ordezkari bakarrak izango dira eta bi laburmetraiak Nacho Vigalondok zuzendu eta Basque Films-ek ekoiztutako Choque eta Borja Cobeagak zuzendu eta Altube Filmeak ekoiztutako Ëramos Pocos dira.

Bi lan hauen atzean, gainera, Arsénico Producciones da ekoizle gehitu modura, Borja Cobeaga, Borja Crespo, Nahikari Ipiña, Koldo Serra eta Nacho Vigalondok osatua. Vigalondo bigarren aldiz izango da Clermont-Ferrand-en, iaz 7:35 de la mañana-rekin Gazteriaren Saria lortu ondoren.

Bi labrumetraiak Clermont-Ferrand-eko Cocteau aretoan proiektatuko dira otsailaren 1ean, alegia, aretorik handienean 1.400 eserlekuekin. Egun berean, halaber, KIMUAK-en merkatuko emanaldia egingo da goizeko 11,00etan.

Europa mailan prestigio handia duen Rotterdam-go Nazioarteko Zinemaldian (urtarrilaren 25etik otsailaren 5era), baita ere, Kimuak 2005-eko beste lan batek esku hartuko du: La guerra, Luiso Berdejo donostiarrak eta Jorge C. Dorado madrildarrak zuzendurik, Koldo Zuazua (Common Films) ekoizle lanetan.

Atlantikoaren beste aldean ere Kimuak bildumako beste labur batek ere, El gran zambini-k parte hartuko du, non eta Victoriano Zinema Independienteko jaialdian, Kanadan (urtarrilaren 27tik otsailaren 5era). Martxoan aldiz, Los ojos de alicia-k Bruselako Fantasiazko Zinemaldian parte hartuko du (15etik 25era), eta bildumako zazpi laburrak lehian arituko dira hilaren 13tik 18ra International Film Festival Illes Balears delakoan Mallorkako Palma hirian.

Orain arte, Kimuak 2005-eko laburrak 60 zinemaldi baino gehiagotan erakutsiak izan direlarik (Choque 22etan eta Éramos Pocos 33etan), estatu nahiz nazioarte mailan, 61 sari eta aipamen irabazi dituzte.

85.000 EURO

Euskadin ekoizturiko film laburrentzat gure herrian zabalpenerako bideak eskaintzea, eta horrekin batera, munduan zehar bideak zabaltzea, landare bati ateratzen zaizkion adar berrien kemenez. Horixe da Eusko Jaurlaritzaren Kultura Saileko ekimen honen xedea, zeinarentzat Kultura Sailak 85.000 euro erabiliko dituen.

Kimuak sortaren barruan bi katalogo taxutzen dira. Lehenbizikoa Euskadin exhibizio zinematografikoarekin zerikusia duten erakunde eta enpresa guztiei bidaltzen zaie: zinema-areto komertzialak, kultur etxeak, zine klubak, erakunde publikoak. Helburu nagusia Euskadin egindako urteko ekoizpena euskal hiritarrek ikusi ahal izatea da.

Bigarren Katalogoari dagokionez, nazioarteko hedapena duen aukeraketa (DVD bat ingeles, frantses eta, behar denean, gaztelerazko azpidatziekin, CD bat labur bakoitzaren dokumentazio eta fitxa informatiboekin) 400 bat zinemaldietara igortzen da, baita banaketa-etxe eta telebista kate anitzetara ere.

Informazio gehiagorako Euskadiko Filmategia (Txema Muñoz) 943 45 38 00 telefonoan eta Kimuak@filmotecavasca.com eta www.Kimuak.com helbideetan.


359 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin