Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ken Zazpi taldeak Argiak diskoko bira amaituko du bihar Donostiako Victoria Eugenia Antzokiko kontzertuarekin


2009-01-02 12:16

DONOSTIA, 2 (EUROPA PRESS)

Ken Zazpi pop-rock talde bizkaitarrak bihar bukatuko du, Donostiako Victoria Eugenia Antzokian emango duen kontzertuarekin, Argiak bere azken diskoko bira. Emanaldi honetan, Busturialdeko taldeak Argiak laneko abestiak joko ditu zuzenean, 60tik gora aretora eraman dituen birari amaiera emanez.

Taldeak Los Angelesen (AEB) bizi den Rafa Sardina ospe handiko ekoizle bermeotarrarekin grabatu zuen Argiak bere ibilbideko laugarren disko, eta lortutako soinu paregabea hainbatetan nabarmendu dute kritikariek.

Eñaut Elorrieta taldeko abeslariaren esanetan, Argiak diskoarekin argia, itxaropena eta indarra trasmititu nahi izan ditoe jendeari soinuaren bidez.

Hasieratik babesa agertu digu jendeak eta gure esker ona adierazteko jaia egingo dugu bihar. Gainera, ez dugu inoiz Victoria Eugenian jo eta berebiziko antzokia da birari bukaera emateko, nabarmendu du.

Kontzertua 20:30etan hasiko da eta sarreraren prezioa 12 eurokoa da. Sarrerak salgai daude Victoria Eugenian bertan, Antzoki Zaharrean, Telekutxan (943 00 12 00), www.kutxa.net webgunean eta Servikutxan.


223 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin