Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kaotiko taldeak Adrenalina diskoko abestiak aurkeztuko ditu bihar Barakaldoko Rockstar Live aretoan


2009-01-28 10:16

BILBO, 28 (EUROPA PRESS)

Kaotiko taldeak kontzertu bat eskainiko du bihar, 21:30etan hasita, Barakaldo (Bizkaia) Rockstar Live aretoan, Adrenalina azken diskoko abestiak aurkezteko asmoz, Bizkaiko hiriburuan azken aldiz izan zirenetik hiru urtera. Kontzertua ETBk grabatuko du eta zuzenean ikusi ahal izango da aurrerago ETB-3ko Gaztea Live saioan.

2008ko martxoaren 5ean, Adrenalina disko biziaren aurkezpenarekin ibilbide berri bati hasiera eman zion Kaotiko Aguraingo (Araba) taldeak, Oihuka diskoetxearekin. Abestietan, tenpo arinak, melodia erakargarriak eta gogoan geratzen diren errepikak erabiltzen ditu Kaotikok.

Maitasuna eta elkartasunezko sentimendu samurrekin batera, sistemari kritika latza egiten diote abestietako hitzetan, ahaltsuak boteretsuago eta babesgabeak txiroago bilakatzen baititu sistemak. Horrela, bizitzaren aurrean jarrera tinkoak, animoak eta itxaropenezko mezuak nahasten dituzte kantuetan.

Taldeak 50 kontzertu baino gehiago eskaini ditu 2008an zehar (Gasteiz, Madril, Bartzelona, Burgos, Jaen, Galizia, Katalunia eta abar), eta 2009ari begira, furgoneta hartu eta berriro zuzeneko jardunari ekingo dio, Soria, Logroño, Zaramillo, Santander, Zaragoza, Barakaldo, Caceres, Oviedo, Galizia, Burgos, Valladolid, Salamanca, Madril eta Aginagan kontzertuak eskainiz, besteak beste.

Bira horren barruan, bihar, taldeak kontzertu berezi bat emango du Barakaldoko Rockstar Live aretoan. Hiru urte pasa dira Kaotikok Bilbo inguruan eman zuen azken kontzertutik eta taldeak betidanik jarraitu eta atzetik izan duen publikoaren aurrean emanaldi izugarri bat eskaintzeko sekulako grina sentitzen du. Kontzertua ETBk grabatuko du, ETB-3ko Gaztea Live saioaren barruan emateko. Halaber, www.eitb.com/gaztea webgunean zuzenean jarraitu ahal izango da.


371 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin