Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Kantauriko Koloreak. Urpeko Argazkiak erakusketa eta Bluesjazz Zirkuitoa Kultur Leioako aste honetako ekimenen artean


2006-01-16 10:53



BILBO, 16 (EUROPA PRESS)

Kultur Leioan aste guzti honetan zehar, urtarilaren 16tik 22ra, hainbat kultura eta aisialdi ekitaldi antolatu dira, besteak beste Kantauriko Koloreak. Urpeko Argazkiak erakusketa eta Bluesjazz Zirkuitoa, zien-foruma edota zientziaren astea, Leioako kulturgune honetako arduradunek gaur prentsa-ohar baten bidez jakinarazi dutenez.

Lehenbizi, urtarrilaren 16tik otsailaren 19ra Kultur Leioako Erakusketa Gelan Txomin Rivera urpeko argazkilari errenteriarraren Kantauriko Koloreak. Urpeko Argazkiak erakusketa ikusgai egongo da. Bere erreportaiak arte-galerietan erakutsi ohi dira eta aldizkari ospetsuetan kolaboratu du, hala nola, National Geographic-en.

Asteartea 17ean, arratsaldeko 20,00etan, zine-foruma baino lehenago Leioako XII. bideo lehiaketako irabazleen lanak aurkeztuko dira. Zehazki eskeiniko direnak hauek dira: 3. saria ( Ander Olazabal) El contrato lanarekin, euskerazko 1go saria (Oier Flores Zelaieta) Nunoiz lanarekin eta gaztelaniazko 1go saria ( Eva Hidalgo Martinez) Esparto lanarekin. Emanaldia bukatutakoan Perseo Zine Forumean Zinea zinean zikloko bigaren pelikula ikusiko da Despues de medianoche pelikula hain zuzen ere.

Zientziaren astea Leioan egitasmoaren barruan, urtarrilaren 18an, Luis Navarrok, Bartzelonako Unibertsitate Autonomoko irakasle eta Einstein profeta y hereje liburuaren egilea, Albert Einstein: genio y mito del siglo XX hitzaldia emango du arratsaldeko 19,30etan.

Ostegunean, hitzaldiekin jarraituz, EHUko Zientzia eta teknologia Fakultateko irakasle/ikertzaileak diren Juan Mari Aguiregabiria, Martin Rivas eta Aitor Bergarak emango duten Prohibido NO tocar hitzaldia.

Zenbait esperimentu erraz egingo dituzte zuzenean; horretarako, eguneroko materialak erabiliko dituzte, argiaren eta elektrizitatearen bilakaera eta natura arautzen duten oinarrizko legeak ikusteko moduan erakusteko. Gainera, gaur egun Fisikaren ikerketan egunerokotasun handia duten gaiak ere aztertuko dituzte.

Urtarrilaren 19an goizeko 10,00etan eta 19,30etan Berbalamiñek -euskeraren aldeko elkarteak- Berbalamintxo egitasmoa aurrera eramango du Kultur Leioako Ambiguan. Sarrera doan da eta euskaldunberrien zoritxarrari buruzko sketch-ak eskeiniko dituzte.

BLUESJAZZ ZIRKUITOA

Urtarrileko ostirala 20tik aurrera, hilabetean behin gaueko 22,00etan, Kultur Leioak Bluesjazz Zirkuitoa eskeiniko du. Kafe-anbiguan, giro lasai eta erlajatuan , blues eta jazz sesioetaz gozatu ahal izango da.

Lehen kontzertuan Daniel Amat eta La esquina caliente izango ditugu jazz latinoa eskeintzen. Daniel Amat oso gaztea zela hezi zen bere jaioterria den Kubako akorde eta erritmoetan, eta tradizio sonero, trovadoresko eta rumbero osoa heredatu du.

Kontzertu honetan La esquina caliente taldea izango du lagun. Taldea Euskadin ospe handia duten musikariek osatzen dute, izan ere, Kepa Junkera, Gontzal Mendibil eta Mikel Urdangarinekin kolaboratu dute. Daniel Amat (pianoa), Javier Alzola (saxoa), Julio Andrade (baxua) eta Blas Fernandez (bateria).

Sarrerak 3 euroko prezioa du eta BBKren orotarako kutxazainetan, 944 310 310 telefonoan, www.bbk.es web orrian eta Kultur Leioako txarteldegian lortu daitezke.

Azkenik, larunbata 21ean arratsaldeko 19,00etan eta 22,00etan eta igandea 22an 20,00etan Zinea izango da El jardinero fiel pelikularekin. Urtarrilaren 22an, igandea, 12,00etan eta 17,00etan Mozart txakurra haur filmea izango da.


347 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin