Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Joseba Jauregi psikologia irakasleak hitzaldi bat eskainiko du bihar, Donostian, EHUren ZIO bilduman oinarrituta


2006-12-11 17:10

DONOSTIA, 11 (EUROPA PRESS)

Joseba Jauregi psikologia irakasleak Garuna, arimaren organoa izenburuko hitzaldia esklainiko du bihar arratsaldeko 19,00etan, Donostiako Udal Liburutegiko sotoan, Euskal Herriko Unibertsitateko (EHU) Zientzia Irakurle Ororentzat (ZIO) izeneko bilduman oinarrituta.

EHUko iturriek jakinarazi dutenez, ZIO bildumako lehen alea izan zen Oliver Sacks dibulgatzailearen Antropologo bat Marten liburuan jorratzen diren gaien haritik, hitzaldi jakingarri eta pipertsu bat atondu du Joseba Jauregi irakasleak, giza buruaren gorabehera harrigarriak eta haiei buruzko ezagueraren bilakaera ardatz harturik.

Ez da inolaz ere aditua izan beharrik hitzaldiaz gozatzeko: aski da, hain zuzen, giza buru arrunt baten jabe izatea, eta jakingura apur bat izatea gai horretaz, azaldu dute EHUtik.

ZIO bildumak egungo ezagutza zientifikoa plazaratzen duten askotariko saiakera eder eta irakurgarriak eskaintzen ditu euskaraturik. Goi-mailako dibulgazioko liburuek osatzen dute ZIO. Atseginak dira irakurtzeko; arrakasta eta miresmena berenganatu dute beste hizkuntzetako irakurleen artean, eta aditua ez den baina egungo ezagutza zientifikoaren berri jakin nahi duen irakurleari zuzenduta daude.

Bi zuzendari ditu bildumak, EHUko Euskara Zerbitzukoak biak: Juan Garzia Garmendia eta Itziar Laka Mugarza. Liburuarekin batera, liburuaren gaiari loturiko material gehigarriak dakartza ale bakoitzak CD-ROM batean.

Egungo ezagutza zientifikoaren erakusgarri diren irakurgai bikainenak euskaraz ematea da ZIO bildumaren helburu nagusia. Horrez gain, euskarazko prosa zientifikoa finkatzen lagundu nahi du. Jakintza-arlo askotako ikasleentzat eta unibertsitatetik kanpoko jendearentzat erakargarri diren espezialitate-itzulpenak eskaintzen ditu ZIOk, beren kalitateagatik erreferentzia moduan erabil daitezkeenak. Bizkaiko Foru Aldundiaren diru-laguntzari esker kaleratzen da ZIO bilduma.


295 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin