Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Jordi Savallek eskainiko du bihar Getxoko Udazkeneko Kontzertuen azken emanaldia


2006-11-06 13:11

BILBO, 6 (EUROPA PRESS)

Getxoko Udazkeneko Kontzertuak bihar bukatuko dira Jordi Savall biola-joleak eskiniko duen emanaldiarekin. Musikari katalana iluntzeko 20,00etan hasiko da Getxo Antzokian. Savallek eskainiko duen egitarauak Luis XIV. erregearen garaietako gorte-musika izango du ardatz nagusi, Getxoko Kultur Etxeko iturriek gaur jakinarazi dutenez.

Jordi Savall bere belaunaldian balio anitza duen musika munduko pertsona ospetsuenetakoa da. Bakarlari, pedagogo, ikertzaile eta proiektu berrien (musikalak zein kulturalak) sortzaile gisa egin dituen jarduerek, musika historikoaren gaur egungo balio handitzearen egile nagusien artean kokatzen dute.

Instrumentista katalana salbuespenezko kasu bat da gaur egungo musikaren munduan. Duela 30 urte baino gehiago, axolagabetasunean baztertutako musika miragaria munduari ezagutarazi zion. 30 urte daramatza musika hori aztertzen, irakurtzen eta bere zango-biolaz interpretatzen.

Montserrat Figuerasekin batera, hiru musika talde sortu ditu Savallek: Hesperion, La Capella Reial eta Le Concert des Nations. Talde horiekin, emozio eta edertasunaren unibertso bat aztertu eta sortu dute, mundiari eta musika gogoko duten milioika pertsonari eskainita, eta ahaztutako hainbat musiken defendatzaile nagusi gisa ospetsu bihurtu dira.

Biharko kontzerturako sarrerak salgai daude Algortako Kultur Etxean, BBKren orotarako kutxazain automatikoetan, 944 310 310 eta 944 914 070 telefono-zenbakietan eta www.bbk.es webgunean.


253 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin