Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-J.M. Olaizola Txiliku zarauztarrak 25 bizitza eredugarri bildu ditu izenburuko bereko bere liburu berrian


2006-10-11 17:27

BILBO, 11 (EUROPA PRESS)

Jesus Mari Olaizola Txiliku idazle zarauztarrak 25 biografia idatzi ditu Bizitza eredugarriak izenburuko liburu berezi eta sailkaezinean. Guztira, 25 bizitza eredugarri dira, alfabetoaren letra bakoitzeko bat, nahiz eta ereduzkoak zergatik diren edo egiten dituen, egileak bakarrik jakin, adierazi dute liburua plazaratu duen Elkar argitaletxetik.

Bizitza horietan guztietan bada beti zerbait egiazkoa eta erreala, beharbada gehiena, baina denetan izango da edo izan daiteke, halaber, ziria eta jolasa, txantxa eta trufa. Benetakoaren eta fikzioaren arteko mugak lausotu egin baititu idazleak literatura sortzeko orduan, azaldu dute.

Historiaren ezagutza zabalaz eta era guztietako bitxikerietarako gustuaz gainera, badira lan hau gogoangarri bihurtzen duten hainbat dohain, hala nola, hizkuntzaz gozatzeko nahia, kontatzearen plazerra berreskuratzea, eta etengabeko ironia jostagarria.

Jesus Mari Olaizola Txiliku (Zarautz, 1951) ingeniari teknikoa eta maisua da ikasketaz, eskolako materialen egilea ogibidez, jakintza modu guztien biltzailea zaletasunez. Haur eta gazteentzako literaturan sortutako obra zabal eta goraipatuaz gainera, narratibazko bi liburu kaleratu ditu orain arte: Hontzaren orduak eta 101 gau.


235 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin