Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Jeronimo Martin Triok jazza eta flamenkoa uztartzen dituen kontzertua eskainiko du bihar Bilbon


2006-10-19 11:39

BILBO, 19 (EUROPA PRESS)

Bilboko Udaleko Kultura eta Euskara Sailak antolatzen duen Poltsiko Musika programak Jeronimo Martin Trio taldearen kontzertua eskainiko du bihar arratsaldeko 20,00etan, Barrainkuako udaltegian eta doan.

Programa berri honek hiritarrei musika joera ezberdinak hurbiltzeko asmoa du zuzenean, musika klasikotik musika berrietara, jazz, pop edo musika brasildarra barne. Ekimenaren bigarren edizio hau ostiralero burutuko da, azaroaren 3ra arte, Bilboko Udaleko iturriek iragarri dutenez.

Biharko kontzertuan, Jeronimo Martin Trio taldeak bere errepertorio aberatsa eskainiko du, konposizio propioekin eta jazza beste musika motekin nahastuz, hala nola flamenkoa, musika klasikoa edota minimalismoa.

Jeronimo Martin pianista bilbotarra buru izanik, hirukotea Javier Mayorrek (kontrabaxua) eta Hasier Oleagak (bateria-jolea) osatzen dute; Oleaga, Mikel Laboa, Gari edo Mikel Urdangarin musikariekin elkarlanean aritu izan da. Hiru musikariak Musikene Euskal Herriko Goi-Mailako Musika Ikastegian batera aritu ziren eta kontzertu ugari eskaintzen dituzte bai lokaletan, baita jaialdi edota kultur programetan ere.

Poltsiko Musika urriaren 6an hasi zen, eta biharko kontzertua eta gero, Barrainkuara bueltatuko da urriaren 27an La sombra y una mas pop taldearekin. Javier Alzibar poeta eta konpositore bilbotarra buru izanik, bere egile-abestiak bertsoa eta abestiak batzen ditu erdaraz.


130 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin