BILBO, 13 (EUROPA PRESS)
Bilbao Bizkaia Kutxak antolaturiko Mendiko Astearen azken txanpan aldaketa klimatikoa, zientzia eta abentura elkarren eskutik iritsiko dira Jeronimo Lopez mendizale eta doktorearen hitzaldiarekin. Ekitaldia bihar izango da, ohi bezala, Bilboko Euskalduna Jauregian, iluntzeko 20,00etan hasita.
Jeronimo Lopez zortzimilako bat zapaldu duen lehenengo espainiarra izan zen (Manaslu, 1975ean). Horrez gain, Madrilgo Unibertsitate Autonomoan Zientzia Geologikoetan irakaslea eta doktorea ere bada. Kirol merituaren domina du eta 30 espediziotan parte hartu du, hala kirol arlokoetan, nola zientifikoetan, bereziki Antartikaren egoeraren inguruan, gai horretan aditua baita.
Hain zuzen ere, Scientific Comité on Antarctic Research delako elkarteko presidenteordea da, eta talde hori ordezkatuz, 2002an Nazioarteko Lankidetzaren Asturiasko Printzearen Saria jaso zuen.
