Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Jaurlaritzak hitzarmena sinatuko du Gipuzkoako Diputazioarekin eta Eudelekin LTDren erabateko estaldura bermatzeko


2009-01-20 14:40

GASTEIZ, 20 (EUROPA PRESS)

Eusko Jaurlaritzak, Gipuzkako Foru Aldundiak eta Eudel Euskal Udalen Elkarteak hitzarmena sinatuko dute Lurreko Telebista Digitalaren (LTD) estaldura-eremua erabat bermatzeko, Jaurlaritzaren Gobernu Bilerak gaur onartutakoaren arabera.

Lurreko Telebista Digitalaren Plan Teknikoaren arabera, 2010eko apirilaren 3an itzalaldi analogikoa egingo da, eta estaldura-maila jakina zehazten da, %98koa telebista publikoen kasuan eta %96koa telebista pribatuei dagokienean, estaldura Estatuko eremu geografikoa erreferentzi hartzen duela.

Herrietan derrigorrez egin beharreko estaldura ematea bereziki zaila da orografia irregularra duten eskualdeetan, eta arrazoi horregatik, eta informazio sarbide unibertsalaren eta informazio askotarikoaren baloreenganako errespetua kontuan hartuz, beharrezkoa ikusten da erakundeen arteko proiektu globala antolatzea, ahalegin erantsia eta partekatua eskatzen duena.

Horrela, egin den proposamenean, parte hartzen duten foru erakundeek inbertsioa egingo dute, eta Eusko Jaurlaritzak, Itelazpi sozietate publikoaren bitartez, lurralde osoan erabateko estalduraren zerbitzuaren urteroko mantentze gastua bere gain hartzen du.

Aipatu ereduak erakunde arteko konpromiso bati erantzuten dio, eta honen arabera, euskal erakundeen ustez, informazio sarbide unibertsalaren eta informazio askotarikoaren baloreak errespetatuz, guztiontzat telebista irekia bermatua izan behar du. Horretarako proposatzen den lankidetza tresna aurki Eusko Jaurlaritzak, Gipuzkoako Foru Aldundiak eta Eudelek sinatuko duten hitzarmena izango da.


354 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin