Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Jaurlaritzak eta Zarauzko Udalak hitzarmena sinatu dute trenbidea lur azpitik pasatzeko egin beharreko lanak aztertzeko


2009-02-04 14:15

DONOSTIA, 4 (EUROPA PRESS)

Eusko Jaurlaritzako Garraio eta Herri Lan Sailak -Euskal Trenbide Sarearen (ETS) bitartez- eta Zarauzko Udalak (Gipuzkoa) elkarlanerako hitzarmena sinatu dute, Bilbo-Donostia trenbide linea herritik igarotzean lur azpian sartzea aztertuko duen Informazio Azterlanaren idazketarako. Jarduerak 1,9 milioi euroko inbertsioa eskatuko du. ETS-k kopuru horren %75 (1.475.000 euro) ordainduko du eta Zarauzko Udalak gainerako %25a (475.000 euro).

Zarauztik igarotzean trenbidearen trazatua lur azpian sartzeak 4.650 metro trenbide estaltzea eta herriaren sarreran linea bikoiztea ekarriko du. Halaber, geltoki berria eraikiko da udalerriaren erdigunean eta San Pelaion geraleku berria egingo da. Horrez gain, trenbidea lur azpian sartzeko proiektua gauzatzean, kendu egingo dira Meagako, Santa Klarako eta une honetan Zarauzko geltokian dauden trenbide pasaguneak eta hirigunean dauden azpialdeko bost pasabide.

Bilbo-Donostia trenbide linea bikoizteak eta Zarauztik igarotzean lur azpian sartzeak eta udalerrian dauden trenbide pasaguneak kentzeak, hamarkadatan trenbide azpiegiturek hartu duten espazio zabala herritarrentzat berreskuratzeko aukera emango du, eta, horrez gain, trenak igarotzeko maiztasunak nabarmen hobetu ahal izango dira, hau da, zerbitzuaren kalitatea hobetu egingo da, azaldu dute bi aldeek.

Elkarlanerako hitzarmenaren barruan bi batzorde eratuko dira akordioaren zuzendaritzarako, koordinaziorako eta jarraipenerako. Erakunde izaerako batzordea, ETS-ko bi ordezkarik, Zarauzko Udaleko bi ordezkarik eta erakunde publikoak izendaturiko fakultatibo batek osatuko dute. Batzorde horrek hitzarmenaren xede diren jarduerak koordinatu eta bultzatuko ditu.

Izaera teknikoko batzordea ETS-ko bi ordezkarik eta Zarauzko

Udaleko bi ordezkarik osatuko dute, eta Informazio Azterlana behar bezala betetzearen jarraipena egingo du, plantea daitezkeen interpretazio eta burutze arazoak ebatziko ditu eta beharrezkoak diren izapideak behar bezala aurrera eramatea zailtzen duten eragozpenak gainditzen lagunduko du.

PASONIBELAK KENDU

Bestalde, Eusko Jaurlaritzako Garraio eta Herri Lan sailburu Nuria Lopez de Gereñuk eta Zarauzko alkate Jon Urienek Lakumia eta Biriarteko pasonibelak kentzeko hitzarmena hitzarmena sinatu dute. Bidearteko zonaldea errepide nazionalarekin eta Zubiondoko auzoa Zarautzekin lotzen dituzte pasonibel hauek.

Akordio honek, Eusko Jaurlaritzak eta Zarauzko Udalak bere gain hartzen dituzten betekizunak arautzen ditu, hala nola Lakumia eta Biriarteko pasonibelak kentzeko lanak nola burutu eta finantziatu eta baita egun trenbidea zeharkatzen duten bideak eraikiko den bide berri batekin nola lotu, bide berri hau inguruan dagoen beste paso baten bitartez N-634 errepidearekin uztartzeko. Aurrekontua 1.501.533 euroko da.

Hitzarmen honen arabera, Zarauzko Udalak aurrekontuaren %20 jarriko du, 300.306 euro, eta Eusko Jaurlaritzak gainerako %80, hau da, 1.201.227 euro.


338 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin