Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Jaiotzen erakusketa ezberdinak izango dira Bilbon, Gabonak direla eta


2006-11-22 11:52

BILBO, 22 (EUROPA PRESS)

Mota ezberdinetako jaiotzen sei erakusketa ikusgai izango dira Bilbon abenduaren lehenengo astetik aurrera Gabonei begira. Jaiotzak, Bilboko Udaleko Kultura eta Euskara Sailarekin elkarlanean Justo eta Pastor Deunak Jaiotzen Elkarteak antolatuta, Gabonak bukatu arte egongo dira ikusgai hiriko egoitza ezberdinetan.

Erakusketa ofiziala, Justo eta Pastor Deunak Jaiotzen Elkarteak egindakoa, Otxarkoagako Udaltegian bisitatu ahalko da abenduaren 11tik urtarrilaren 7ra bitartean. Abenduaren 23, 24, 25, 30 eta 31n eta urtarrilaren 1, 6 eta 7an itxita egongo da. Sarrera doakoa izango da.

Bestalde, Erriberako Merkatuko arrain eta itsaskien solairuak, Alacanteko Amics del Betlem de la Marina Elkarteak bere probintziatik kanpo antolatzen duen dioramen lehenengo erakusketa jasoko du. Sarrera doakoa izango da umeentzat eta nagusiek euro bat eman beharko dute. Diru horrekin diorama baten zozketan parte hartuko dute umearen loteriarekin konbinatuz. Erakusketa, abenduaren 4tik urtarrilaren 7ra bitartekoa, Eguberri eta Urteberrian itxita egongo da.

Erakusketa programa honen beste egoitzetako bat La Caixa-ko Txurdinagako bulegoa izango da, abenduaren 7tik urtarrilaren 7ra bitartean, dioramen erakusketa egonkor batekin. Erakusketaren ordutegia banketxeek dutena izango da. Bestalde, Maria Laguntzailea elizan, euskal jaiotza monumental bat ikusi ahalko da elizaren ordutegiarekin bat etorrita.

San Vicente de Paul Eskola-Laguntza Zentroak erakusketa programa honekin bat egingo du hamar metro koadroko jaiotza monumental bibliko bat jasotzeko. Sarrera librea izango da eta Eguberri eta Urteberri egunean itxita egongo da.

Justo eta Pastor Deunak parrokiak ere jaiotza bat erakutsiko du, kasu honetan biblikoa izango dena, eta abenduaren 22tik urtarrilaren 6ra bitartean ikusgai egongo dena elizaren ordutegian. Sarrera librea izango da.

JAIOTZEN LEHIAKETAK

Gabonen hurbiltasuna aprobetxatuz, Justo eta Pastor Deunak Jaiotzen Elkarteak 3. Barrutiko (Otxarkoaga - Txurdinaga) umeentzako eta, aldi berean, Bilboko etxeetarako jaiotzen lehiaketa birako deia egin du. Bietan izena emateko epea abenduaren 15era arte izango da.

Lehiaketei buruzko informazio gehiago jaso nahi duenak Elkartearen www.asobelenjustoypastor.org webgunean lor dezake, edo 94 412 25 19 telefonora deituta, edo zalantzak belenistasdeotxarkoaga@mundofree.com helbidera bidalita.


149 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin