Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Italia.- Polizia italiarrak 94 lagun atxilotu ditu gutxienez, mafiaren aurkako bi operaziotan


2006-12-12 12:09

ERROMA, 12 (EP/AP)

Italiako Poliziak gutxienez 94 pertsona atxilotu ditu herrialdeko zenbait tokitan mafiaren aurka egindako bi operaziotan, agintariek eta hedabideek gaur jakinarazi dutenez.

Alde batetik, Milango Poliziak jakinarazi du 34 lagun atxilotu dituela goizaldean Lonbardiako hiriburuan bertan, Italiako iparraldeko beste zenbait hiritan eta hegoaldean dagoen Calabria eskualdeko Catanzaro hirian, Roberto Robioni Milango Poliziaren bozeramailearen arabera.

Ustez drogarekin trafikatzeagatik eta Ndrnagheta Calabriako mafiarekin zerikusia dutelakoan atxilotu dituzte. Polizia beste zortzi pertsonen bila dabilela adierazi du Robionik.

Beste operazio batean, Napoliko Poliziak 60 lagun baino gehiago atxilotu ditu herrialdeko zenbait tokitan, drogen nazioarteko trafikoarekin loturiko elkarte kriminala osatzea leporatuta, hedabideek jakinarazi dutenez.

ANSA berri-agentziaren arabera, beste pertsona batzuk atxilotu dituzte sare honekin lotura dutelakoan Ekuadorren, Espainian, Kolonbian, Herbehereetan, Alemanian eta Bulgarian; hala ere, Napoliko Poliziak oraindik ez ditu atxiloketa horiek baieztatu.


129 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin