Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Irungo (Gipuzkoa) Ficoba erakustazoka Madrilgo Fitur azokan izango da, Euskadiko standaren baitan


2009-01-28 12:29

DONOSTIA, 28 (EUROPA PRESS)

Irungo (Gipuzkoa) Ficoba erakustazoka Madrilgo Fitur turismo industriaren azokan izango da Euskadiko standaren baitan. Turismo Basquetour euskal agentziak sustatzen du parte hartzea, eta eremu horretan Euskadik daukan eskaintza zabala erakutsiko da.

Plazerrezko turismoa ez ezik, negozio-turismoa ere hartzen du eskaintzak. Alor horretan, hain zuzen, Ficobak alternatiba ugari eskainiko ditu: hirugarrenek antolatutako azokak egiteko aukera, biltzarrak, ekitaldi korporatiboak, antzerki-emanaldiak, musikakoak edo dantzakoak, produktu-aurkezpenak, jaiak, gosari eta afari handiak, erakusketak, ekitaldi instituzionalak eta politikoak edo hitzaldiak.

Azken batean, erakustazoka gipuzkoarreko arduradunen arabera, mota guztietako ekitaldiak antolatzen dituztenei instalazioen balioaniztasuna ezagutzera ematera doa Ficoba Fitur azokara. Aldakortasun horrek aukera ematen du, adibidez, inguruabarren arabera, bertako pabiloiak izotz pista bihurtzeko, edo errugbi zelai, edo golfean aritzeko green edo festa-bazkaria edo 5.000 lagunentzako jai edo kontzertu bat egiteko marko egokia, azaldu dute.

Bestalde, Ficobak guztira 13 hitzordu handi hartuko ditu bere pabiloietan 2009. urtean zehar. Martxoan, Ibilgailu Klasikoen beste erakusketa bat iritsiko da, eta apirilean, Ficobako ohizko beste hitzorduetako bat: XXX. Nazioarteko Txakur Erakusketa. Maiatzean, Bidasoako Enpresa Ekimen Berrien I. Azoka egingo da, Bidasoa Bizirik elkarteak sustatuta.

Ekainerako, Bioterraren seigarren edizioa egingo da, eta baita Gipuzkoako Megas Kluben Moto Bilkura ere. Uztailean eta abuztuan, Ficoba udaleku handia bihurtuko da; 3 eta 13 urte bitarteko umeei zuzendutako udaleku zerbitzu hau ekainaren 29tik abuztuaren 30era egingo da, eta bi ordutegitan antolatua egongo da: goizez bakarrik (9:00etatik 13:00etara), edo goizez eta arratsaldez (9:00etatik 17:00etara). Triple Conexion enpresak antolatzen du Gabonetako Haur Parkea, eta berak kudeatuko ditu Ficobako udalekuak ere.

Urria izango 2009an jarduera gehien egingo diren hilabeteetako bat. Exfilna Filatelia Erakusketa Nazionala Ficoban egingo da; Ongi Etorriren II. Azoka ere bai, DV Multimediak sustatuta; IV. Nazioarteko Katu Erakusketa eta Mendiexpo mendiko eta eskiko beste azoka bat ere egingo dira. Azaroan, Construcoba egitea aurreikusi da, eta abenduan, berriz, ohikoa denez, Euskal Kostaldeko Eguberrietako Azoka eta Eurohiriaren Haur Parkea egingo dira.


193 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin