Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Irungo (Gipuzkoa) bi dendatan lapurtu duen 33 urteko gizon bat atxilotu dute


2009-01-12 17:08

DONOSTIA, 12 (EUROPA PRESS)

Ertzaintzaren agenteek 33 urteko gizonezko bat atxilotu zuten atzo Irunen (Gipuzkoa), hiriko bi dendatan indarra erabiliz lapurreta egitea leporatuta, Eusko Jaurlaritzako Herrizaingo Saileko iturriek gaur jakinarazi dutenez.

Atzoko 00:45 aldera herritar batek Ertzaintzari jakinarazi zion Irungo Salvador Etxeandia kaleko lokal bateko kristala hautsi zela entzun zuela. Lapurreta bat egiten ari zitezkeelakoan, patruila batek miaketa egin zuen eraikinean; aldamio bat dago eraikuntza inguratzen. Agenteek ikusi zuten lehen solairuan lokal bateko leihoko kristala hautsita zegoela. Patruila bertara sartu zen eta komunean ertzainek gizonezko bat aurkitu zuten dutxa barruan etzanda, ezkutatuta.

Agenteek gaztea identifikatu zuten eta ustez kristala hausteko erabili zuen igeltsero aitzur bat eta sakeleko telefono bat atzeman zizkioten. Jarraian egiaztatu zutenez, telefonoa Juan Wolmer plazako saltoki batean lapurtu zuen. Denda horretan ere ateko kristala objektu sendo baten bidez hautsi zuten.

Indarra erabiliz egindako ustezko lapurreta delitu bat egotzita atxilotu zuten ertzainek gizonezkoa, eta polizia eginbideak bukatutakoan, gazteak Irungo Guardiako Epaitegiaren esku utzi zuten.


269 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin