Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Irizar enpresak Sardinian 42 autobus fabrikatzeko kontratu bat sinatu du


2009-01-30 13:31

BILBO, 30 (EUROPA PRESS)

Sardinia uharteko ARST bidaiariak garraiatzeko enpresa publikoak Irizar i4 modeloko 42 autobus berri erosi dizkio enpresa gipuzkoarrari, bere autobus multzoa berritzeko asmoz. Autobusak Ormaiztegiko ekoizpen-lantegian fabrikatuko dira, lantegi hori baita Europako merkatu osoaren ardura duena, Irizarrek gaur jakinarazi duenez.

Kontratu horren bitartez, Irizarrek 2008ko maiatzean ARST enpresarekin lortutako adostasuna indartu egin da. Joan den urtean, Gipuzkoako markak Irizar i4 modeloko 210 autobus saldu zituen, eta lehenengo autobusak joan den irailaren 15ean eman zituen Cagliarin. ARSTk 42 autobus berri eskatu eta gero, Irizar i4 modeloko 252 autobus izango ditu laster Sardiniako enpresak.

ARST bidaiariak garraiatzeko eskualdeko sozietaterik handiena da Sardinian: 700 autobus baino gehiagok osatzen dute enpresaren autobus multzoa, eta gaur egun uharteko gainerako enpresa publikoak xurgatzeko prozesuan dago. Hala, 750 autobus biltzea espero du sozietateak.

Irizar i4 autobus-modeloa bidaiariak distantzia labur eta ertainetan garraiatzeko diseinatu da. Modeloa hiri-kontzentrazio handietako garraioan kokatu da, lineaz kanpoko zerbitzuan nahiz zerbitzu erregularrean, eta Irizar markako produktu sortaren osagarri eta gehigarria da. Eskaera hau kontuan izanda, Irizarrek modeloa 2007ko ekainean merkaturatu zuenetik Irizar i4 modeloko 450 autobus baino gehiago saldu ditu.

Operazio honen bidez, Irizarrek egiaztatu du asmatu egin zuela Irizar i4 modeloa garatzean eta merkatura ateratzean. Irizar i4 modeloa 2007ko ekainean aurkeztu zen Espainiako eta Portugaleko merkatuetan, eta urte bereko urrian, Busworld azokan, nazioarteko merkatuan.

Irizar Taldeak luxuzko autobusen alorrean jarduten du 1889. urteaz geroztik, eta aurtengoa, beraz, bere 120. urteurrena da. Nazioarteko izaera sendoko proiektua da, aurrera eramaten duten 3.250etik gorako pertsonak horren oinarri direla. Ekoizpen-plantak ditu zazpi herrialdetan, eta presentzia bost kontinenteetako 88 herrialde baino gehiagoko merkatuetan.

Irizar, bere kudeaketa-eredua, bezeroak leial bihurtzeko estrategia eta eskaintzen dituen produktuak direla medio, entzute handieneko enpresetako bat da, bai eremu nazionalean bai nazioartekoan. Irizarrek frogatu du proiektu iraunkor eta sendoa duen enpresa dela, proiektuak bermea eta etorkizuna dituela, eta autobusen fabrikazioan konfiantza eta ospea transmititzen dituen proiektua dela.


198 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin