Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Inmigrazioa eta hizkuntz politikaren arteko harremana aztertuko dute UEUk eta UEMAk Eibarren antolaturiko jardunaldietan


2006-12-01 14:03

BILBO, 1 (EUROPA PRESS)

Udalerri Euskaldunen Mankomunitateak (UEMA) eta Udako Euskal

Unibertsitateak (UEU) Immigrazioa eta hizkuntz politika udalerri

euskaldunetan izeneko jardunaldiak antolatu dituzte. Abenduaren 14an

UEUren Eibarko egoitzan burutuko diren jardunaldi hauen helburua

etorkinen integrazioa alor kulturalera zein linguistikora zabaltzeko

hausnarketa egitea da.

Aurkezpen prentsaurrekoan izan dira Nora Palmitano Zestoako Udaleko Euskara teknikaria eta jardunaldien koordinatzailea, Iñaki Arregik UEMAko koordinatzailea eta Lore Erriondo UEUko zuzendaria.

Nora Palmitanok, jatorriz argentinarra den Zestoako Udaleko Euskara teknikariak jardunaldi hauek antolatzearen arrazoiak azaldu ditu. Bere esanetan, XX. mendean Euskal Herrira etorritako etorkinen

kopuru handiak nabarmen eraldatu zuen bertako egitura sozial, politiko eta kulturala. Oraindik ere gertatzen den aurreko immigrazio horri gehitu behar zaio 1980ko hamarkadatik aurrera Europa barrutik eta kanpotik etorritakoa, gaineratu du.

Bere iritziz, etorkinak ezinbestekoak dira Euskal Herriaren hazkunde ekonomiko eta demografikoari eusteko, eta aldi berean, denoi eskatzen digu ahalegin berezia integraziorako ezinbestekoak diren arlo kultural eta linguistikoan.

Palmitanok azaldu du udalerri euskaldunetan ahalegin bat egin dela euskarari eusteko eta bide horretan etorkinak ez direla oztopo izan behar, euskararen erabiltzaile aktiboak baino. Horretarako, etorkinen gaineko ezagutza eta sentsibilitate handiagoa erakutsi beharko dugu euskaldunok, eta hain zuzen ere, jardunaldi hauekin saiatuko gara gai hauei irtenbidea bilatzen, adierazi du.

Iñaki Arregi UEMAko koordinatzaileak egitasmoaren xehetasunak azaldu ditu, eta egitaraua hiru ideiaren gainean osatu nahi izan dutela gaineratu du.

Alde batetik, hausnarketa bat plazaratu nahi dute egun oraindik gai honek administrazio mailan ez duelako lortu beharrezkoa duen sentsibilizazioa (lehen bi hitzaldiak).

Bestetik, azaldu du UEMAko udaletan kezkatuta daudela inmigraziotik datozen pertsonei harrera egiteko protokolo komunik ez dagoelako, eta, hori dela eta, protokolo hauek martxan dituzten esperientziak jaso nahi izan dituzte (Kataluniako esperientziak). Azkenik, Euskal Herrian dagoeneko martxan dauden proposamen zehatzak ekarri nahi izan dituzte, guztiak bilduta goian aipatutako protokolo hori osatzeko asmoz.

Izena emateko epea abenduaren 11an bukatuko da, eta plazak mugatuak izango dira. Informazio gehiago eta matrikula egiteko UEuren webgunean sar daiteke: www.ueu.org.


197 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin