Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Inkestetako erantzun faltaren eragin negatiboak txikiagotzen dituzten teknikez ariko da Eustat gaur eta bihar Bilbon


2009-01-26 11:17

BILBO, 26 (EUROPA PRESS)

Eustat Estatistikaren Euskal Erakundeak Erantzun falta duten inkesten kalibrazioa izenburuko ikastaroa antolatu du gaurko eta biharko Bilboko Burtsako ekitaldi aretoan, Estatistikako XXII. Nazioarteko Mintegiaren barruan. Inkestetako erantzun falta nahi ez den ezaugarria da, eta haren eragin negatiboak txikiagotu nahi izaten dira. Helburu horretara bideratutako tekniken ikuspegi orokorra eskainiko da ikastaroan, eta 70 ikertzaile eta espezialista inguruk hartuko dute parte, antolakuntzak gaur jakinarazi duenez.

Antolatzaileen arabera, gaur egun gizarteak inkestak maiz erabiltzen ditu, errealitatearen zenbait alderdi ezagutzeko baliabide gisa. Halere, azken urteetan, gero eta sarriago gertatzen ari da erantzun falta inkestetan; horrek zenbatespenei erasan eta zehaztasunak nozitzen du. Informazioa jasotzen denean erantzun falta murriztu egin daiteke hein batean, baina erabat ezabatzerik ez dago. Beraz, interes handikoak dira erantzun falta modu sistematikoan bere gain hartzen duten zenbatespen teknikak, zehaztasun onargarria lortzen baitute.

Erantzun falta duten inkestekin aritzeko orduan, kalibrazioa lanabes nagusi gisa aztertuko da; kalibrazioak bi motako informazio laguntzailea erabiltzen du: biztanleria orokorraren gaineko informazioa eta laginketaren gainekoa, zeina ez da derrigor inkestatua izan oso-osorik.

Ikastaro honetan bi aditu entzutetsu izango dira: Sixten Lundström, Suediako Estatistika Institutuko Gizabanakoen eta Familien Estatistika Metodologia Unitateko metodologia aholkulari nagusia, eta Carl-Erik Särndal, Montrealgo unibertsitatean estatistika katedraduna eta gaur egun aholkularia estatistika ofizialeko zenbait institututan. Biek ikastaroaren oinarri den Estimation in Surveys with Non response liburua argitaratu zuten 2005ean.

Estatistikaren Nazioarteko Mintegia -25 urte, ia 50 ikastaro- Eustatek berrikuntzan eta ikerketan etengabe egiten duen ahaleginean eta bere estatistika produkzioari teknologia berriak aplikatzean egindakoan kokatzen da.


147 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin