Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Inem.- Langabezia 37 lagunetan jaitsi zen EAEn joan den azaroan eta langabetuen kopurua 76.190 pertsonakoa da


2006-12-04 11:35

BILBO, 4 (EUROPA PRESS)

Euskal Autonomia Erkidegoko (EAE) Inemen bulegoetan joan den azaroan erregistraturiko langabezia 37 lagunetan jaitsi zen, urrian baino %0,05 gutxiago, alegia. Horrela, guztira, 76.190 pertsona daude lanik gabe EAE, Espainiako Lan eta Gizarte Gaietako Ministerioak gaur jakinarazi dituen datuen arabera.

Urte arteko bilakaera ikusita, eta 2006ko azaroa iazkoarekin alderatuz, langabezia 7.051 pertsonatan murriztu da, hau da, %8,47 gutxiago.

Lurralde Historikoka, Araban jaitsi zen gehien langabezia, 266 gutxiago izan baitziren, hots, urrian baino %2,46 gutxiago. Horrela, Araban 10.562 langabetu daude, 2005eko azaroan baino 551 gutxiago (-%4,96).

Bizkaian 93 langabetu gutxiago zenbatu ziren (-%0,22), langabetuen kopuru osoa 42.599 lagunetan kokatuz. 2005eko azaroarekin alderatzen bada, 5.547 langabetu gutxiago daude (-%11,52).

Gipuzkoari dagokionez, azaroa bukatzean 23.029 langabetu zeuden, urrian baino 322 gehiago (%1,42). Joan den urteko azaroarekin alderatuz, langabezia 953 lagunetan jaitsi da (-%3,97).

Joan den azaroa bukatzean, gizonezko 30.248 langabetu zeuden, eta lanik gabeko emakumezkoak 45.942 ziren. 25 urtetik beherako langabetuak 6.344 ziren, eta gainontzekoak (69.846) adin horretatik gorakoak ziren.

Sektoreka, Aurreko lanik gabeko kolektiboan igo zen gehien langabezia, 130 gehiago zenbatu baitziren (%2,44), guztira 5.448 langabetu izanik.

Eraikuntzan 29 langabetu gehiago zenbatu ziren (%0,47), eta langabetuen kopuru osoa 6.149 lagunetan kokatu zen. Nekazaritzan, 28 lagunetan igo zen langabezia, aurreko hilean baino %4,24 gehiago, guztira 688 langabetu izanik. Zerbitzuen sektorean ere igo zen langabezia, 18 pertsonatan (%0,04), 50.003 langabetu izanik.

Industrian bakarrik jaitsi zen langabetuen kopurua, 242 gutxiago zenbatu baitziren (-%1,71), langabetuen kopuru osoa 13.902 lagunetan kokatuz.

Bestalde, azaroan 77.385 kontratu egin ziren guztira Inemen, aurreko hilean baino 10.176 gutxiago (-%11,62) eta 2005ko azaroan baino 1.516 gehiago (%2).

Kontratu horietatik guztietatik 8.454 mugagabeak izan ziren eta 68.931 aldi baterako. Kontratazio mugagabea %2,13 jaitsi zen urriarekiko eta %81,49 gehiatu 2005eko azaroarekiko. Aldi baterako kontratuak, aldiz %12,66 jaitsi ziren urriarekiko eta %3,20 iazko azaroarekiko.


140 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin