Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Inem.- Langabezia 272 pertsonatan igo zen joan den uztailean EAEn eta langabetuak 76.311 dira


2006-08-02 11:06

BILBO, 2 (EUROPA PRESS)

Euskal Autonomia Erkidegoko (EAE) Inem erakundearen bulegoetan joan den uztailean erregistraturiko langabezia 272 lagunetan igo zen, hots, ekainean baino %0,36 gehiago. Horrela, guztira 76.311 langabetu daude EAEn, Espainiako Lan eta Gizarte Gaietarako Ministerioak gaur jakinarazi dituen datuen arabera.

Urte arteko bilakaera aztertzen eta 2006ko uztaila aurreko urtekoarekin alderatzen bada, 5.078 langabetu gutxiago zenbatu dira, hau da, %6,24 gutxiago.

Lurralde Historikoka, Bizkaian bakarrik jaitsi zen langabezia, ekainean baino 338 langabetu gutxiago izan baitziren (%-0,78). Lurralde honetan 42.958 langabetu zeuden uztaila bukatzean, eta 2005ko uztailarekin alderatuz, 4.320 langabetu gutxiago zenbatu dira (%-9,14).

Gipuzkoan, 513 langabetu gehiago izan ziren (%2,30), langabetuen kopuru osoa 22.851 pertsonakoa izanik. Urte arteko bilakaeran 767 langabetu gutxiago izan dira (%-3,25).

Arabari dagokionez, uztaila bukatzean, 10.502 lagun zeuden lanik gabe, ekainean baino 97 gehiago, alegia (%0,93). 2005ko uztailarekin alderatuz, langabezia 9 lagunetan igo da (%0,09).

Bestalde, uztaila bukatu ondoren, 30.017 gizonezko eta 46.294 emakumezko zeuden lanik gabe. 25 urtetik beherako langabetuak 5.707 ziren, eta gainontzekoek (70.604k) adin hori gainditzen zuten.

Sektoreka, Aurreko lanik gabeko kolektiboan 329 lagunetan murriztu zen langabezia (%5,94), langabetuen kopuru osoa 5.214 pertsonakoa izanik; Zerbitzuetan 49.623 langabetu daude, 852 gehiago zenbatu ondoren (%1,75); Industrian, 294 langabetuko jaitsieraren ondoren (%-2,01), 14.352 langabetu daude.

Eraikuntzari dagokionez, 100 lagun gehiago daude langabezian (%1,58), kopuru osoa 6.413koa izanik; azkenik, Nekazaritzaren sektorean, 709 pertsona daude lanik gabe, 57 gutxiago zenbatu ondoren (%-7,44).

Uztaila bukatzean, 529 kontratu egin ziren guztira (%-0,69). Iazko epe berarekin alderatzen bada, 3.923 gehiago egin ziren (%5,45). Kontratu guztietatik (473.315), 40.487 mugagabeak izan ziren eta 432.828 aldi baterakoak.


181 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin