Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Industriaren prezioak %0,2 igo ziren EAEn joanm den abuztuan eta urteko arteko igoera %5,7koa izan da


2006-09-22 11:49

BILBO, 22 (EUROPA PRESS)

Euskal Autonomia Erkidegoko industriaren prezioek %0,2ko hazkundea izan zuten joan den abuztuan. Datu horien arabera, azken 12 hilabeteetako industria-sektoreko prezioen aldaketa jaso duen abuztuko urte arteko tasak %5,7ko hazkundea izan du. Halaber, industriako prezioak %5,2 gehitu dira 2006ko lehenengo zortzi hilabeteetan, 2005eko abenduaren aldean, Eustaten datuen arabera.

Sektoreen azterketa xehekatuenak erakutsi bezala, 2006ko abuztuan, eta aurreko hilabetearen aldean, hauexek izan ziren inflazio handiena izan zuten arloak: Ehungintza eta jantzigintza (%4,2), Energia elektrikoa, gasa eta ura (%3,0), Metalurgia eta gai metalikoak (%0,7) eta Papera, argitalpenak eta arte grafikoak (%0,5). Aitzitik, prezioetan beherakadak izan zituzten Petrolioaren birfinketa (-%2,2), Mineral metalikoak eta ez-metalikoak (-%1,6) eta Zuraren industria (-%0,1) sektoreek.

Bestalde, 2005eko abuztutik 2006ko abuztura arteko aldian, prezioen hazkunderik handienak izan dituzten sektoreak ondokoak dira: Energia elektrikoa, gasa eta ura (%22,9), Metalurgia eta gai metalikoak (%10,0), Ehungintza eta jantzigintza (%7,2), Petrolioaren birfinketa (%5,6) eta Papera, argitalpenak eta arte grafikoak (%5,0). Hala ere, Garraio-materiala (-%2,6), Material elektrikoa (%0,3), Zuraren industria (%0,9) eta Beste manufaktura batzuk (%1,3) sektoreek hazkunde txikiagoak izan dituzte edo jaitsi egin dira.

Xede ekonomikoaren araberako ondasunen sailkapenari jarraituz, sektore garrantzitsuenen prezioek abuztuan izan zuten bilakaerak gorako joera izan zuen, aurreko hilabetearen aldean; salbuespen bakarra Energiaren prezioak izan ziren, %0,7 jaitsi baitziren. Tarteko ondasunen prezioak %0,6 igo ziren, Ekipamenduko ondasunenak %0,1 eta Kontsumo-ondasunen prezioak %0,2; hain zuzen, azken hauen igoera kontsumo-ondasun ez iraunkorren hazkundeak eragin zuen (%0,4), kontsumo-ondasun iraunkorrek ez baitzuten aldaketarik izan abuztuan (%0,0).

Ondasun talde garrantzitsu hauen prezioen bilakaerek urtetik urtera gero eta ezberdintasun nabarmenagoak izan dituzte, baina denak positiboak. Energiaren prezioak %10,4 igo dira, Tarteko ondasunenak %7,6, Ekipamenduko ondasunenak %1,0 eta Kontsumo-ondasunenak %3,0; azken hauen artean, %4,3 igo dira kontsumo-ondasun ez iraunkorren prezioak eta %0,5 kontsumo-ondasun iraunkorren prezioak.


163 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin