Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Industri Prezioen Indizea %2,2 jaitsi zen Euskal Autonomia Erkidegoan joan den abenduan


2009-01-26 17:38

BILBO, 26 (EUROPA PRESS)

Industri Prezioen Indizeak %2,2ko jaitsiera izan zuen Euskal Autonomia Erkidegoan (EAE), 2008. urteko abenduan, aurreko hilarekin alderatuz, Eustat Estatistikaren Euskal Erakundeak gaur emandako datuen arabera.

Jaitsiera horretan gehien eragin zuten sektoreak izan ziren Kokegintza eta petrolio finketa (%-21,6), Metalurgia (%-4,5) eta Industria kimikoa (%-2,6). Aitzitik, azaroarekin alderatuz, abenduan igoera izan zutenen artean, Produktu energetikoen erauzketa (%0,9) izan zen eragin handiena izan zuena.

Ondasunen helburu ekonomikoari erreparatuz, hil arteko aldakuntza %-0,2koa izan zen Kontsumo ondasunentzat (%-0,1 Kontsumo ondasun iraunkorrentzat eta %-0,2 Kontsumo ondasun ez iraunkorrentzat), %-1,7koa Bitarteko ondasunentzat eta %-8,1ekoa Energiarentzat. Ekipo ondasunek ez zuten aldaketarik izan.

Urte arteko tasari dagokionez, Industri Prezioen Indizeak %0,2ko jaitsiera izan zuen 2008ko abenduan, aurreko urteko hilabete berarekin alderatuz. Kokegintza eta petrolio finketa (%-35,2) eta Metalurgia (%-1,8) izan ziren murrizketa horretan gehien eragin zuten jarduerak.

Ondasunen helburu ekonomikoari dagokionez, urte arteko aldakuntza %1,6koa izan zen Kontsumo ondasunentzat (%3 Kontsumo ondasun iraunkorrentzat eta %1,4 Kontsumo ondasun ez iraunkorrentzat), %2koa Ekipo ondasunentzat, %1,1ekoa Bitarteko ondasunentzat eta %-7koa Energiarentzat.


121 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin