Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Industri prezioak %2,2ko jaitsiera izan zuten EAEn 2008ko abenduan, eta urte osoko hazkundea %1,9koa izan da


2009-01-23 11:41

BILBO, 23 (EUROPA PRESS)

Euskal Autonomia Erkidegoko (EAE) industri prezioak %2,2 jaitsi ziren 2008. urteko abenduan, aurreko hilarekin alderatuz, Eustatek landutako datuen arabera. Horrela, urte osoan, industri prezioen hazkundea %1,9koa izan zen.

Joan den abenduan, beti ere aurreko hilaren aldean, Ehungintza eta jantzigintza (%1,6), Metalezko eta ez-metalezko meak (%1,3), Makineria (%0,6), Energia elektrikoa, gasa eta ura (%0,4) eta Industria kimikoa (%0,4) adarrek igo zituzten gehien prezioak.

Bestalde, prezioetan jaitsierak izan zituzten Petrolioa fintzea (%-15,9), Metalgintza eta metalezko gaiak (%-2,9), Kautxua eta plastikoa (%-0,8) eta Beste manufakturak (%-0,8) sektoreen prezioek, besteren artean.

Ondasunen helburu ekonomikoaren araberako sailkapenari jarraituz, abenduan, aurreko hilaren aldean, Energiaren prezioek %7,4ko jaitsiera izan zuten eta Bitarteko ondasunenek %2,2koa. Ekipo-ondasunetan %0,2ko igoera izan zen eta Kontsumokoetan %0,1ekoa; Kontsumo-ondasunen osagaien artean, Kontsumo-ondasun ez-iraunkorrek %0,2ko igoera izan zuten eta Kontsumo-ondasun iraunkorrek aldaketarik ez (%0,0).

2008KO BALANTZEA

2008ko urtarrilaren 1etik abenduaren 31ra bitarteko epean, prezio-hazkunderik handienak izan zituzten sektoreak, Energia elektrikoa, gasa eta ura (%14,2), Metalezko eta ez-metalezko meak (%13,1), Ehungintza eta jantzigintza (%7,1) eta Industria kimikoa (%6,8) izan ziren.

Kontrako noranzkoan, jaitsierak edo hazkunde txikiagoak izan zituzten Petrolioa fintzea (%-21,6), Larrugintza eta zapatagintza (%-0,8), Ez-metalezko industria (%1,5) eta Garraio-materiala (%1,8) sektoreetako prezioek.

Ondasunen helburu ekonomikoaren araberako sailkapenean, Energia %4,7 jaitsi zen eta Ekipo-ondasunak %3,2 igo. Bitarteko ondasunek eta Kontsumo-ondasunek %3,4ko igoera izan zuten; azken horiek, aldi berean, Kontsumo-ondasun iraunkorren eta Kontsumo ondasun ez-iraunkorren artean banatuta daude: lehenengoen prezioak %3,5 igo ziren eta bigarrenen prezioak %3,3.


137 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin