Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-India.- Gutxienez lau hildako eta 50 zauritu izan dira, 30 larri, Indian tren batean izandako eztandaren ondorioz


2006-11-20 16:54

NEW DELHI, 20 (EP/AP)

Gutxienez lau lagun hil dira eta beste 50 zaurituta daude, haietako 30 bat larri, Indiako ekialdean bidaiarien tren bateko bi bagoitan izandako leherketa baten ondorioz, tokiko agintariek jakinarazi dutenez. Zenbait hedabide indiarrek diote sei hildako ere izan daitezkeela.

Eztanda Belacobako geltokitik hurbil gertatu da, Calcuttatik 550 bat kilometro iparraldera, Raj Kanojia Poliziaren inspektore nagusiak adierazi duenez. Oraingoz ezezagunak dira leherketaren arrazoiak eta bonba trenaren barruan eta trenbidean zegoen.

Prasad Ranjan Roy Barne ministroaren arabera, lau bidaiari gertaeraren tokian hil dira, baina hildakoen kopurua gehitu egin daiteke zenbaut zauri larri daudelako. Hasieran Poliziak esan zuen bost hildako zeudela.

Royk esan duenez, dirudienez milizianoek jarri dute bonba. Asam Askatu Fronte Batuari lotuta dagoen Kamtapur Askatzeko Erakundearen susmorik badagoen galdetu diotenean, erakunde arradikal baten ekintza dirudiela erantzun du.

Xehetasunak lortzen gabiltza, baina bonba trenaren barruan zegoen edo atentatu suizida bat izan den baieztatu behar dugu, adierazi du. Halaber, ikertzaileen talde bat gertaeraren zonaldera doala azaldu du.


126 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin