Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-India.- Gutxienez 69 hildako izan dira hiru egunetan Indiako mendebaldean montzoiak eragindako uholdeen ondorioz


2006-08-08 12:31

BOMBAY (INDIA), 8 (EP/AP)

Gutxienez 69 pertsona hil dira azken hiru egunetan montzoi-euriek Indiako mendebaldean eragindako uholdeen ondorioz, agintariek gaur jakinarazi dutenez.

Gainera, 120.000 lagunek euren etxebizitzak utzi behar izan dituzte Maharashtra estatuko zonalde garaienetara joateko, estatuko zenbait leku urpean gelditu baitira, Manisha Mhaiskar estatuko informazioko zuzendari nagusiak adierazi duenez.

Hingoli eta Nanded herrietan egoera hain da txarra, harrapatuta zeuden pertsonen ia ebakuazio guztiak helikopteroz egin behar izan direla. Korrontea oso indartsua da eta ontziak ezin dira jendearengana iritsi, zehaztu du, biktima gehienak urek arrastaka eramanda edo erori diren etxebizitzek harrapatuta hil direla gaineratuz.

Montzoiak 481 biktima utzi ditu India osoan urte honetan, gehienak uholdeetan itota, lur-jausiek eta eroritako etxebizitzek harrapatuta edota elektrokutatuta. Hala ere, zonalde askotan ez da balantze zehatzik egin, eta biktimak askoz gehiago izan daitezke.


118 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin