Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Iñaki Izquierdok argazki-erakusketa bat antolatu du Enkarterrietako Museoan Sestaoren bigarren mendeurrenaren omenez


2006-10-25 10:29

BILBO, 25 (EUROPA PRESS)

Iñaki Izquierdo argazkilari sestaoarrak argazki-erakusketa bat antolatu du Sopuertan dagoen Bizkaiko Batzar Nagusien Enkarterrietako Museoa, bere jaioterriaren bigarren mendeurrena ospatzeko. Erakusketa urriaren 26an inauguratuko da, Sestaon Biziz: Industria-kulturaren amaiera izenburuarekin.

2007ko urtarrilaren 21era arte egongo dira ikusgai Izquierdok zuri-beltzean egindako 53 argazki; argazki horiek eta beste 50 argazkik osatzen dute Sestaori buruz argitaratutako liburu bat, Bizkaiko Batzar Nagusien iturriek gaur jakinarazi dutenez.

Argazki-erakusketa honekin, Enkarterrietako Museoak omenaldia egin nahi dio Sestaori, bigarren mendeurrena betetzen baitu; Sestaok izan duen ibilbide industriala eta Enkarterrian izan dituen sustrai sendoak gogoratu nahi dira ekimenaren bitartez. Azken alderdi hori berariaz berreskuratu nahi izan du Museoak, nahiko ahazturik baitzegoen.

Sestaon Biziz: Industria-kulturaren amaiera deritzon argazki-bildumak Sestaok izan duen azken aldaketa-prozesua iruditan erakutsi eta aldikada luzearen amaiera gogortazen du, industriaren berebiziko eraginez moldatutako herriaren eta herritarren islada, alegia.

Iñaki Izquierdo Muxika argazkilari sestaoarra bera ere partaide da eraikitzen duen historian, eta horrek ematen dion esperientziaren ikuspuntutik atondu du erakusketa. 1965. urtean jaiotakoa La Iberiako aldapan, Labe Garaien itzalpean eta langileen joan-etorri artean hazitakoa izanik, kontatzen duenetik aldendu ezin eta sasoi haietaik gaur arte izaniko aldaketaren gauzarik esanguratsuenetan jartzen du indarra: batetik langileak metatzeko pentsatutako hiriaren hirigintza zatarrean eta, bestetik, inguru horretara moldatu eta gizabidetasun handiko elkartasuna izan duten gizakiengan.

Iñaki Izquierdo argazkilari dokumentalista da, ez du eszenan parte hartzen eta begien aurrean gertatzen denaren lekuko bihurtzen ditu argazkiak. Bapateko jazoerak argazkitan atera edo irudi estatikoak lasaitasun osoz jaso edo argazkietan agertzen diren pertsonekin harremanak izaten ditu, kameraren presentziarik ahalik eta murritzena bilatuz, naturaltasunik haundienaren bila.

Argazki-teknika, positibatua eta aurkezpena ondo zaindu dira ahalik eta kalitaterik handineko irudia lortzearren, argazkilariak helburutzat baitu benetazko esperientzia geureganatzea eta egunerokotasuna osatzen duten zehaztasun eta testurak argazki-pelikulan atrapatzea.

Erakusketaren katalogoan badago Portugaleteko Juantxu Rodriguez argazkilaria zenaren argazki bat, non Iñaki Izquierdo bera agertzen den. 1983. urtean, argazkia ateratzen ari zitzaizkiola erreparatu barik, Iñaki Izquierdo bera itsasadarrean arraunean agertzen da Juantxu Rodriguezen argazki horretan, erakusketa honen giltzarri eta gune den Sestao industrialean, non bertako herritarren bizimodua ondu eta moldatu den.


180 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin