Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Imano Murua Uria zarauztarrak irabazi du Tene Mujika bekako saria, Loiolako hegiak proiektuarekin


2009-01-16 10:25

BILBO, 16 (EUROPA PRESS)

Imanol Murua Uria kazetari zarauztarrak irabazi du Tene Mujika bekako saria, Loiolako hegiak deritzan proiektuarekin. Hala erabaki zuen aho batez Lorea Agirrek, Elixabete Garmendiak eta Pruden Garziak osaturiko epaimahaiak, deialdira aurkeztu ziren bost lanen artean, Elkar argitaletxeko iturriek gaur jakinarazi dutenez.

Euskal Herriko historia hurbilaz biografiak, kronikak, erreportajeak, saiakerak, elkarrizketak edo ikerketak bultzatzeko sortu zuten Debako Udalak (Gipuzkoa) eta Elkar argitaletxeak sari hau, Debako alaba izan zen Tene Mujika idazlearen omenez. Lehen urtean Ramon Olasagasti izan zen irabazlea, eta sariaren laguntzaz idatzi zuen Mendiminez liburua. Bigarren urtean hutsik geratu zen saria, hirugarrena Alberto Barandiaranek irabazi zuen, eta aurtengo udaberrian kaleratuko da haren lana.

Laugarren deialdian, beraz, Imanol Murua Uriaren proiektua nabarmendu da. Lehendik Irlanda eta Palestinako gatazka nahiz bakebideei liburu bana eskaini bazien, euskal auzia landu nahi du orain, 2006ko udazkenean EAJ, PSE eta Batasunaren artean izandako elkarrizketa eta negoziazioak, zehatzago esanda.

Argia, Euskaldunon Egunkaria, Jakin eta Berria-n jardundako kazetaria da Murua, informazio politikoan berezitua, analisi, kronika nahiz elkarrizketetan. Bi aldiz irabazi du Rikardo Arregi saria eta beste behin Argia saria, bere kazetari-lanengatik. Argitaratutako liburuen artean daude Suetena Belfasten (Humberto Unzuetarekin batera), Palestina zauritua edo Geronimo.


289 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin