Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ignacio Gimenez pintore sevillarrak bere lanak erakutsiko ditu Bilbon abenduaren 22ra bitartean


2006-12-05 12:13

BILBO, 5 (EUROPA PRESS)

Bilboko Udaleko Kultura eta Euskara Sailak Ignacio Gimenez Romero pintore sevillarraren erakusketa antolatu du. Collage teknika behin erabiltzeko materialekin nahasten dituen piezen multzoa izango da ikusgai gaurtik abenduaren 22ra bitartean Barrainkuako udaltegian.

Zenbait urtez formatu txikiko pintura zehatz, xehetasunez eta kolorez betea egin ondoren, Gimenez Romero artearen beste adierazpen-modu bat lantzen jardun da: ohol gaineko teknikan collage-a egiten.

Paura bizitzen joandako Sevillako pintorearen obrak besteek gutxiesten dituzten materialen mamiekin jolasten du, ikusleak forma, material eta oroipenekin gozatzera bultzatuz. Artista andaluziarrak, burdinak, egurrak, kartoiak edo plastikoak bezalako materialak erabiltzen ditu aurkitzen dituen moduan: eguzkiak zein areak higatuak, haizeak astinduak edo guk geuk zapaldu edo abandonatuak. Azken finean, ezerezetik, kasualitatetik sortzea da kontua.

52 urteko artista honen erakusketa, historia propioa duten piezek osatzen dute, beraien azken ziklotik berreskuratuak hondartzetan, mendietan, garbiguneetan eta kaleetan. Gimenezek dioenez, niretzat, obra guztiaren zati zoragarrienetariko bat, kasualitatez zerbaitekin topo egitea da. Badago zabor mota bat gustuarekin konbinatuz gero konposizio artistikoa egitea lortzen duzu.

Erronka pieza horiek harmonian batu eta horma baten erakutsiko den obra baten zati izan daitezen lortzea da, eta aldi berean, publikoaren jakingura piztea.

Birziklapen mota hau, batzuek birziklarte deritzotena, artistaren eskuetatik jariokortasun etengabez irtetzen da. Baina, sortzaileak gomendatzen duen bezala, ez da esanahirik bilatu behar koadro bakoitzean, ez da ulertu behar. Obra lurrean botata zegoen materiaz egindakoa da, koadro batean jarri eta harmonia osoa lortzen du. Mihise berezi hauek Barrainkuako udaltegiko Erakusketa Aretoan izango dira ikusgai abenduaren 22ra arte.


146 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin