Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ibilgailu batean lapurtzen ahalegindu diren 17 eta 20 urteko bi mutil atxilotu dituzte Gasteizen


2009-01-15 14:43

GASTEIZ, 15 (EUROPA PRESS)

Ertzaintzaren agenteek 17 eta 20 urteko bi mutil atxilotu dituzte gaur goizaldean Gasteizen, bertako kale batean aparkatutako ibilgailu batean lapurtzen saiatu izana leporatuta, Eusko Jaurlaritzako Herrizaingo Saileko iturriek jakinarazi dutenez.

Gertakariak 4:00etan jazo dira, Gasteizen. Ordu horretan, Askatasun kalean herritarren segurtasunerako lanetan ari zen Ertzaintzaren patruila batek bi pertsona ikusi ditu auto baten ondoan; bat makurtuta zegoen eta bestea jagole lanetan.

Une horretan, ertzainak susmagarriengana joan dira, eta identifikatu egin dituzte. Ondoren, leiho bateko kristala apurtuta eta barrua erabat nahasita zituen Volkswagen Polo bat ikusi dute pertsona horien alboan. Gainera, ustez ibilgailuaren kristala puskatzeko baliatu duten erabilera anitzeko erreminta bat aurkitu dute lurrean. Halaber, gazteetako batek odola zerion eta egin berria zirudien zauri bat zeukan esku-azpian.

Horren aurrean, agenteek atxilotu egin dituzte 17 eta 20 urteko bi mutilak, ustezko lapurreta delitu bat egotzita. Atxilotuetako batek polizia-aurrekariak ditu, eta gaur goizean geratu dira biak Gasteizko Guardiako Epaitegiaren esku.


355 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin