Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ia 2.000 gaztek hartu zuten parte iaz Gernikako Udalaren (Bizkaia) drogen kontsumoaren prebentziorako programetan


2009-01-26 18:18

BILBO, 26 (EUROPA PRESS)

Guztira 1.923 gaztek parte hartu zuten Gernika-Lumoko (Bizkaia) Drogamenpekotasunen Prebentziorako Udal Zerbitzuek 2008-2009 ikasturterako antolatu zituzten drogen kontsumorako prebentzio programetan.

Zerbitzuon arduradunen arabera, drogen kontsumoaren prebentzioa Udal Sailaren lehentasuna da, udal eta autonomia mailako administrazioen arteko koordinazio lanetan oinarritzen dena eta ardatz estrategiko moduan familiako eta eskolako zein eskolaz kanpoko prebentzioa duena.

Eskola arloan egiaztatutako programak Osasunerako Hezkuntza eta Prebentzio Selektiboa dira, eta adin desberdinetako ikasleentzat zuzenduta daude. Horrela, lehen ikastaroan 1.601 ikaslek parte hartu zuten, ikastetxe desberdinetakoak eta AEK eta Udal euskaltegietakoak edo musika eskolakoak, besteak beste.

Programa honen barruan mintegi desberdinak egiten dira: Alkoholaren Arriskua, lan-aurreko zikloko 100 ikasleren parte-hartzearekin; Zinea eta Osasuna, DBH-4 mailako 201 ikaslerekin; eta azkenik, Heziketa: Helburu Sexuala, 937 gaztek parte hartu zutelarik, DBH-1, DBH-4 eta Batxilergoak.

Bigarren programa, Prebentzio Selektiboa, droga kontsumitzeko arrisku maila handia duten gazteekin lan egiteko aurreikusi zen. Hemen ekimenik azpimarragarriena Testing delakoa da, eta abuztuko jaietan egiten da gauez prebentziozko frogak moduan; gazteei kontsumitu aurretik drogen frogak egiten zaizkie eta ondoren informazioa eman. Bertan 16 eta 30 urte bitarteko 188 gaztek hartu zuten parte.

Familiako prebentzio programari dagokionez, helburua familia bakoitzak drogen erabileraren inguruan prebentziorako tresnak izango dituela bermatzea da, azaldu dute.

Azkenik, Gernikako Udalak familiaren arloan martxan jartzen dituen programak gurasoei zuzenduta daude, eta, hain zuzen ere, Gurasoen Eskola eta Gurasoen Topaketak deitzen zaizkie. Hauetan, mintegi eta hitzaldien bitartez, gurasoei euren seme-alaben heziketaren inguruko azalpenak ematen zaizkie familia barruko komunikazioa errazteko asmoz. Guztira 216 gurasok parte hartu zuten iaz, 126 lehenengoan eta 90 bigarrenean.


179 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin