Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-I+G+B transferentziaren inguruko dekretua onartu du Eusko Jaurlaritzak


2009-01-13 17:23

GASTEIZ, 13 (EUROPA PRESS)

Eusko Jaurlaritzako Gobernu Kontseiluak 2008ko abenduaren 11n Transferentzien Bitariko Batzordeak adosturiko akordioa onartzen duen dekretua onartu du gaurko bileran, ikerketa, garapen zientifiko eta tekniko eta berrikuntzaren alorren gaineko eginkizunak Euskadira ekartzearen ingurukoa alegia.

Gernikako Estatutuaren 10.16 artikuluaren arabera, ikerketa zientifikoa eta teknikoa Euskadiren eskumen esklusiboa da, Estatuarekin koordinatuta.

Horrela, gaur onarturiko dekretua indarrean sartzean Euskadik zenbait eginkizun berri izango ditu. Batetik, ikerketa eta garapen zientifikoa eta teknologikoa, industriala edo bestelakoak, eta Euskadiri dagozkion eskumenen esparruan berrikuntza arautu, antolatu, bultzatu eta sustatuko ditu.

Bestalde, ikerketa, garapen eta berrikuntzaren inguruko ekimenak eta proiektuak elaboratu, onartu, burutu eta horien jarraipena eta kontrola egingo du, eta Euskadiren esparruan egiten diren ikerketa, garapen zientifiko eta teknologiko eta berrikuntzaren inguruko jarduerak koordinatzea ere izango du egiteko, Estatuaren Administrazioaren esparruan hari dagozkion eskumenak kaltetu gabe.

Dekretuak onartzen duen Transferentzien Bitariko Batzordearen akordioan, transferentzi honi dagokionez, Estatuari 1.392 milioi euroko kargak esleitzen dizkio (guztiak Zientzia eta Berrikuntza Ministerioko aurrekontuaren zuzkidurak). Kopuru horri Kupoaren Legeak zehazten duen %6,24 egozte indizea aplikatuz gero, Euskadiri 2009 urtean egin beharreko kupo ordainketan 86,8 milioi euro gutxitzea dagokio, eta murrizketa hori aurrerantzean mantendu egingo da.

Eusko Jaurlaritzaren arabera, I+G+Bren transferentzia, Euskadiko autogobernuan aurrera pauso garrantzitsua izateaz gainera, bizi dugun bezalako egoera ekonomiko konplikatu batean honako transferentzia eskuratzea bereziki garrantzitsua da, tresna erabilgarri eta egoki bilakatzen baita euskal ekonomia sustatzeko.

Dena dela, Jaurlaritzak ez dio transferentzia honi garrantzirik kendu nahi ezta baztertu nahi ere, baina 30 urtetan oinarririk gabe atxiki egon diren eginkizunak eskuratzeak ez digu ahaztuarazi behar Euskadiren garapenerako ezinbestekoak diren beste eskumen batzuk transferitzeke ditugula. Besteak beste, enplegurako politika aktiboak edo Gizarte Segurantza, Gernikako Estatutuaren arabera Euskadiri dagozkion eskumenak eta hogeita hamar urte hauetan arrazoirik gabe ukatu dizkigutenak; eta baita normalizazio politikorako ezinbestekoak diren eskumenak, adibidez, espetxeen ingurukoak, azaldu dute Jaurlaritzatik.


422 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin