Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hotel bateko gela batean 2.600 euroko kalteak eragin atxilotu dute Bilbon 27 urteko alemaniar bat


2006-08-23 12:58

Zuzendariari hil-mehatxuak ere egin dizkio

BILBO, 23 (EUROPA PRESS)

Bilboko Ertzainetxeko agenteek R.N. 27 urteko gizonezkoa atxilotu zuten atzo goizean, ostatu hartuta zegoen hoteleko gelan kalteak (bi mila eta seiehun euro ingurukoak) egin eta zuzendariari irainak eta hil-mehatxuak egin ondoren.

Ertzaintzaren arabera, atzo goizeko 10,30ak aldera, Indautxu inguruko hotel bateko bezero bat zaurituta zegoela jakin zuen Ertzaintzak. Antza denez, ostatuz zegoen gelan kalteak egitean zauritu zen.

Hiritarren segurtasunerako patruila bat eta anbulantzia bat bertaratu ziren, eta gertaeran nahasitako gizonak aurpegian eta hanka batean zauriak zituela ikusi zuten. Hori dela eta, Basurtu Ospitalera eraman zuten, han lesioak artatzeko.

Horrez gain, hoteleko zuzendariak agenteei esan zienez, gaztearen gela barrutik zetozen kolpe eta zarata gogorrez galdetzera joan zitzaionean, hark irainak eta hil-mehatxuak egin zizkion, baita objekturen bat jaurti ere. Gelan eta komunean kalte handiak (2.600 euroko inguruko balioa dute) zeudela egiaztatu zuten ertzainek.

Jazoera horien aurrean, ospitalean alta eman ziotenean, atxilotu egin zuten, lesioen eta hil-mehatxuen delituak egotzita. Hurrengo orduetan, izapide polizialak amaitutakoan, epailearen esku utziko dute atxilotua (Alemaniakoa da).


279 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin