Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru pertsona atxilotu dituzte Bilbon kosmetikoen denda batean eta auto batean lapurtzen saiatzeagatik


2006-10-24 16:51

BILBO, 24 (EUROPA PRESS)

Ertzaintzak hiru pertsona atxilotu dituzte azken orduetan Bilbon, bi lapurreta burutzen saiatzeagatik. Emakumezko bat kosmetika-produktuak ordaindu gabe eramaten saiatzeagatik atxilotu dute, eta bi gizon Sabino Arana kalean zegoen ibilgailu baten lapurtzeko leihatila apurtzeagatik atxilotu dituzte, Eusko Jaurlaritzako Herrizaingo Saileko iturriek jakinarazi dutenez.

Atzo arratsaldeko 17,00ak baino minutu batzuk lehenago, emakumezko bat Maria Diaz de Haro kaleko denda batean lapurtzen saiatu zela adierazi zioten Ertzaintzari. Abisuaren arabera, dendako arduradunek emakumezko bat harrapatu zuten, ia 25 euroko balioa zuten kosmetika-produktuak ordaindu gabe eramaten ari zenean.

Agenteak bertaratutakoan, lokaleko arduradunekin eta susmagarriarekin (ez zuen dokumentazio frogagarririk erakutsi eta ez zuen helbide ezagunik) jarri ziren harremanetan. Ondorioz, ertzainek emakumezkoa (ondoren identifikatu zuten: 18 urteko F.C.) atxilotu zuten, ebasketa hutsegitea egotzita.

Bestalde, gaur goizaldeko 1,00ak jotzeko minutu batzuk falta zirenean, Bilbon segurtasun-lanetan zebilen Ertzaintzaren patruila batek jarrera susmagarria zuten bi lagun ikusi ditu Sabino Arana kalean. Izan ere, aparkatuta zeuden ibilgailu batzuen ondoan zeuden, zelatan.

Ondorioz, agenteek aparkatzea erabaki dute, eta oinez joan dira susmagarriak zeuden tokira. Une horretan, susmagarriak (ez dira agenteen presentziaz ohartu) Ford Fiesta batera hurbildu dira eta harri bat jaurti dute ibilgailu horren alde bateko leihatila baten kontra. Kristala apurtu ondoren autoan sartu dira.

Agenteak ibilgailura heldu direnerako ustezko lapurretako batek irrati-kasetea zuen eskuan. Susmagarriak identifikatu ondoren (M.R.C. eta C.J.B., 46 eta 36 urtekoak, hurrenez hurren) atxilotu egin dituzte, indarra erabiliz lapurtzea eta kalte delitua egotzita.


187 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin