Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru lagun atxilotuak Durangon oinezko bati kuter batekin lapurreta egiten saiatzeagatik


2006-02-06 14:12



BILBO, 6 (EUROPA PRESS)



Hiru gazte atxilotu zituzten Durangoko komisariako agenteek atzo goizean, igandean, larderia erabilita lapurreta egin zutelakoan. Lapurreta egiten saiatu ziren eta kuter batekin mehatxatu zuten gizonezko bat hiru akusatuek, Euskal Poliziaren esanetan.

Atzo goizeko 8,00ak aldera izan zen gertakaria Durango udalerri bizkaitarrean. Ordu horretan, Abasolo kalera joateko deia jaso zuen Ertzaintzak, izan ere, gazte batzuk lagun bati lapurreta egiten ahalegindu ziren objektu zorrotz bat erabiliz biktima beldurtzeko.

Ertzaintzaren patruila bat bertaratu eta atrakatzen saiatu ziren biktimarekin harremanetan jarri ziren; lapurreta egin zuten hiru gazteen deskribapena eta datuak eman zizkien gizonezkoak ertzainei.

Geroago, Landako kalean (Mikeldi kaleko bidegurutzearen alboan) zegoen beste patruila batek biktimak emandako deskribapenarekin bat zetozen hiru lagun atzeman zituen. Segidan, agenteak haiengana joan ziren eta geldiarazi egin zituzten, gazteok aipatutako kale kantoian dagoen upategi batera sartzekotan zirenean.



Ertzainek gazteak identifikatu eta arakatu egin zituzten erasoaldian erabilitako arma edo objektu zorrotzik bazuten jakiteko. Gertakarian inplikatutako gazte baten gauzen artean kuter gorri bat aurkitu zuten agenteek, ustez mehatxuak eta lapurreta ahalegina egiteko erabilitakoa.

Minutu batzuk geroago, hiru susmagarriak ezagutu eta lapurreta ahaleginaren egiletzat jo zituen biktimak. Horregatik guztiagatik, I.Z.A. (27 urteko iurretarra), A.F.R.M. (22 urteko durangarra) eta A.B.E.M. (Ermuko 19 urteko bizilaguna) atxilotu zituen Ertzaintzak, larderia erabilita lapurreta egitea egotzita.


252 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin