Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru lagun atxilotu dituzte Sondikan enpresa bateko txatarra lapurtzeagatik


2006-09-18 16:32

BILBO, 18 (EUROPA PRESS)

Erandioko Ertzainetxeko agenteek hiru lagun atxilotu zituzten atzo Sondikan, arratsaldeko lehenengo orduetan, edukiontzi baten giltzarrapoa apurtu ondoren enpresa bateko txatarra lapurtzea egotzita, Eusko Jaurlaritzako Herrizaingo Sailak gaur jakinarazi duenez.

Atzo arratsaldeko 13,00 inguru, Ertzaintzak lagun baten deia jaso zuen; horren arabera, hiru gazte (bi gizon eta emakume bat) Sondikako Izartza industrialdeko enpresa bateko edukiontzi batetik txatarra osten ari ziren.

Patruila bat tokira bertaratuta, agenteek hiru gazte ikusi zituzten enpresa baten ondoan zegoen txatarra-ontzi bat husten eta horren edukia Bilboko matrikuladun Ford Transit furgoneta batean sartzen.

Egiten zeudenari buruz galdetu zietenean, gazteek edukiontziaren atea irekita zegoelako txatarra hartzen ari zirela ziurtatu zuten. Une horretan bertan agertu zen enpresaren nagusia. Izan ere, minutu batzuk lehenago eman zioten gertatzen ari zenaren berri. Gazteek esandakoa jakinarazi ondoren, enpresaburuak hori faltsua zela ziurtatu zuen, egun batzuk lehenago antzeko lapurreta bat izan ostean edukiontzia giltzarrapoarekin itxita zegoelako.

Horregatik guztiagatik, ertzainek F.S.G. (20 urte), V.S.G. (18 urte) eta adin txikiko bat (guztiak Barakaldoko bizilagunak) atxilotu zituzten, indarkeriaz egindako lapurreta delitua egotzita.


218 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin