Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru lagun atxilotu dituzte Bilbon ibilgailu baten barruan lapurtzeagatik


2006-11-29 17:51

BILBO, 29 (EUROPA PRESS)

Ertzaintzak hiru gizonezko atxilotu zituen atzo goizean Bilbon, indarra erabiliz egindako lapurreta egotzita. Indarrez zabaldu omen zuten ibilgailu baten barruan aurkitu zituzten susmagarriak agenteek, eta haren ondoan utzitako ibilgailu batek izandako lapurretaren egileak ere diren edo ez ikertzen ari dira, Ertzaintzaren iturriek jakinarazi dutenez.

Atzo goizeko 8,30ak aldera, Bilboko Gorte kalean oinez zebilen patruila batek hiru gizonezko ikusi zituen kale horretan aparkatuta zegoen eta Bilboko matrikula zuen Renault Express batean, eta susmagarri iritzi zitzaien. Bertara hurbiltzean, guantera eta ibilgailuaren gainerako txoko guztiak miatzen ari zirela ikusi zuten agenteek, eta gidariaren atea palanka batez irekita zegoela.

Hori ikusirik, ertzainek susmagarriak identifikatu (S.L., 31 urtekoa; A.S., 35 urtekoa; eta D.D.P., 37 urtekoa) eta atxilotu egin zituzten, indarra erabiliz lapurreta egitea egotzita.

Halaber, ibilgailu horren aldamenean aparkatutakoak, Alacanten matrikulatutako Renault 21 batek, ateetako bat aurrekoaren modu berean irekita eta barrualdea nahasita zituela ikusita, agenteek beharrezko ikerketa abiatu zuten atxilotutako horiek bertan ere ostu zuten argitzeko. Beharrezko izapideak bukatutakoan, susmagarriak Bilboko Guardiako Epaitegiaren esku utziko dituzte.


166 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin