Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru gizon atxilotu dituzte Elgoibarren, Debako etxebizitza batean lapurtzen saiatu eta ausarkeriaz gidatzeagatik


2009-02-10 12:58

DONOSTIA, 10 (EUROPA PRESS)

Ertzaintzaren agenteek 33, 22 eta 20 urteko hiru gizonezko atxilotu zituzten atzo Elgoibarren (Gipuzkoa), Deba herri gipuzkoarreko etxebizitza batean lapurtzen saiatzea eta, jarraian, auto batean ausarkeriaz gidatuta ihes egitea leporatuta. Ertzaintzak N-634 errepidean geldiarazi zuen ibilgailua, Elgoibarrerako noranzkoan, Herrizaingo Sailak gaur jakinarazi duenez.

Gertakariak atzoko 17:30ak aldera jazo ziren. Debako Itziar auzoko etxebizitza batean osten saiatu zirela jakinarazi zioten Ertzaintzari. Dirudienez, ustezko lapurrek lorategiko hesia saltatu eta sukalderako sarbide atea indarrez zabaldu zuten. Une horretan, etxean jendea zegoen eta lapurretako bik etxeko jabeekin topo egin zutenez, ihes egin behar izan zuten. Ustez, kanpoan beste gizon bat zegoen auto batean zain.

Deba parean, gertakaria jazo zen tokira zihoan Ertzaintzaren patruila bat Peugeot 306 batekin gurutzatu zen. Autoan hiru gizonezko zihoazen eta polizia-autoa ikusterakoan, gidariak zakartasunez azeleratu zuen eta abiadura handiz joan zen N-634 errepidetik, Bilborako noranzkoan.

Noizbehinka ibilgailuak aurreratze arriskutsuak egin zituen (aurreratzeak egitea debekatuta dagoen tokietan) eta arrisku handia sortu zuen errepidetik zihoazen gainerako erabiltzaileentzat; hala, horietako batzuk bidetik kendu behar izan ziren talka ez egiteko.

Susmagarrien atzetik 12 kilometro inguru egin ostean, beste patruila batek ustezko lapurren autoa geldiaraztea lortu zuen, Elgoibarko gasolindegi parean. Hiru bidaiariak autotik irten eta korrika ihes egiten saiatu ziren. Bik mendian barrena ihes egin zuten baina ertzainek atxilotzea lortu zuten, sastraka eta sasitza artean segika ibili ostean; hirugarrena errepidean bertan atxilotu zuten.

Atxiloketen unean, hirurek aurka egin zieten indarkeriaz eta, ondorioz, ertzain batzuek ubeldurak eta beltzuneak izan zituzten. Ihes egiterakoan, susmagarriek tamaina handiko bihurkin bat jaurti zuten, agenteek froga gisa jaso zutena.

Atxilotuetako batek delitu aurrekariak ditu etxeetan egindako lapurretak direla eta. Ertzainetxean eginbideak burutu ostean, atxilotuak Eibarko Epaitegiaren esku jarriko dituzte.


590 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin