Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru gizon atxilotu dituzte Donostian etxebizitza batean lapurtzen saiatzeagatik


2009-02-02 13:27

DONOSTIA, 2 (EUROPA PRESS)

Ertzaintzaren agenteek hiru gizon atxilotu dituzte gaur goizaldean Donostian etxebizitza batean lapurtzenm saiatu izana leporatuta. Patruila batek harrapatu ditu ustezko lapurrak, etxebizitzan leiho batetik sartzera zihoazenean.

Eusko Jaurlaritzako Herrizaingo Sailak jakinarazi duenez, lapurreta saiakera 2:50ean jazo da. Lekuko batek Ertzaintza ohartarazi du, hiru lagun Donostiako Loiola auzoko etxebizitza batean sartzen saiatzen ari zirelako.

Patruila bat bertaratu da eta gizon bat teilatu baten gainean zegoela eta lehenengo solairuan kokatutako etxebizitza bateko leihorantz begiratzen ari zela ikusi du. Kalean, berriz, zaintzen ari zirelako jarrera zuten beste bi gizonezko zeuden. Agenteak susmagarriengana joan dira eta, poliziak ikusterakoan, hiru gizonezkoek alde egin dute. Horietako batek aldean zeraman poltsa bat lurrera bota du.

Ertzainek susmagarriak atzeman eta identifikatu dituzte. Lurrera botatako poltsan hainbat jostailu zeudela eta etxebizitzako leihoa irekita zegoela ikusita, agenteek hiru gizonezkoak atxilotu dituzte lapurretaren delitu bat egin izana leporatuta. Ertzaintza jostailuen jatorria ikertzen ari da, beste lapurreta baten ondorioz lortu ahal izan baitituzte.

Hiru atxilotuak (20, 23 eta 26 urtekoak) polizia egoitza batera eraman dituzte dagozkien eginbideak burutzeko eta, datozen orduetan, epailearen esku jarriko dituzte.


272 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin