Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru gizon atxilotu dituzte Barakaldon droga trafikoagatik, eta kokaina, haxixa eta 5.000 bat euro atzeman dizkiete


2009-02-05 17:11

BILBO, 5 (EUROPA PRESS)

Ertzaintzaren agenteek hiru gizonezko atxilotu zituzten atzo arratsaldean Barakaldon (Bizkaia), osasun publikoaren kontrako delitu bat egotzita. Atxilotuak gai sorgorgarriekin trafikatzen ari zirenean harrapatu zituzten eta kokaina, haxixa eta 5.000 euro inguru atzeman zizkieten, Eusko Jaurlaritzako herrizaingo Saileko iturriek gaur jakinarazi dutenez.

Atzo arratsaldean, 20:00ak jotzeko minutu gutxi falta zirenean, Barakaldon herritarren segurtasunerako lanak egiten ari ziren Ertzaintzaren agenteek Miranda etorbidean itxarote jarrera zuen gizon bat ikusi zuten. Jarraian, bi bidaiari zeramatzan auto bat bigarren ilaran gelditu zen eta, elkarrizketa labur baten ostean, hartu-eman bat egin zuten hirurek eta, ondoren, bakoitza bere aldetik joan zen.

Legez kontrako ekintzaren bat egiten ari zirela iritzita, agenteek oinezkoari eta autoari segitu zieten eta, atzeman zituztenean, oinezkoak kokaina eta haxixa zuten pakete bi, doitasun-balantza bat eta 500 euro inguru zeramatzala egiaztatu zuten; halaber, ertzainek droga kantitate txiki bat eta 5.000 euro inguru (ustez, droga salerosketaren ondorioz lortutakoa) atzeman zizkieten autoan zihoazen gizonezkoei.

Ebidentzia horien guztien aurrean, hiru gizonak (48 eta 53 urte bitartekoak) atxilotu zituzten, osasun publikoaren kontrako delitu bat egotzita.


630 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin