Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru gazte atxilotu dituzte Bergaran (Gipuzkoa) saltoki batean lapurtzeagatik


2009-01-20 12:30

DONOSTIA, 20 (EUROPA PRESS)

Ertzaintzaren agenteek 18, 19 eta 21 urteko hiru gazte atxilotu zituzten atzo arratsaldean Bergaran (Gipuzkoa), bertako hipermerkatu batean egindako lapurreta delitu bat egotzita. Lapurtu zituzten produktuen balioa 400 eurotik gorakoa zen, Eusko Jaurlaritzako Herrizaingo Sailak gaur jakinarazi duenez.

Gertakariak atzo arratsaldean jazo ziren, 20:00ak aldera. Bergarako saltoki batetik Ertzaintzaren agenteak bidaltzea eskatu zuten ordu horretan, zenbait gaztek hainbat produktu ostu zituztelako eta, ondoren, alde egin zutelako. Ertzainak saltokira hurbildu ziren eta agenteak ikusterakoan korrika hasi ziren hiru gazte ikusi zituzten; gainera, ihes egiten hasi zirenean, gazte bati zenbait xanpu pote erori zitzaizkion.

Agenteek susmagarriak atzematea lortu zuten eta, lapurreta jazo zen establezimendutik gazteak atzeman zituzten tokiraino, garbiketarako produktu ezberdinen 30 pote aurkitu zituzten, antza, ustezko lapurrek eremu horretako paperontzietan utzi zituztenak. Saltokiaren arduradunen arabera, guztira produktu horiek 400 euro baino gehiago balio dute.

Agenteek hiru gazteak atxilotu eta polizia egoitza batera eraman zituzten. Datozen orduetan, atxilotuak Bergarako Guardiako Epailearen esku utziko dituzte, dagozkien polizia eginbideak egin ostean.


238 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin