Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hiru emakume eta gizon bat atxilotu dituzte Galdakaon (Bizkaia) kamioi batetik materiala lapurtzeagatik


2009-01-19 14:30

BILBO, 19 (EUROPA PRESS)

Ertzaintzaren agenteek hiru emakumezko eta gizonezko bat atxilotu zituzten atzo arratsaldean Galdakaon (Bizkaia), indarkeriaz egindako lapurreta delitu bat egotzita. Atxilotuek Galdakaoko industrialde batean aparkatuta zegoen kamoi batean metalezko piezak lapurtu omen zituzten, Eusko Jaurlaritzako Herrizaingo Sailak gaur jakinarazi duenez.

Gertakariak atzo gauean jazo ziren, 22:00ak jota zirenean, Galdakaoko Zugutzu industrialdean. Ordu horretan, industrialdean aparkatuta zegoen kamioi batean (edukiontzi batez kargatuta zegoen) lapurreta egiten ari zirela jakinarazi zioten Ertzaintzari. Lapurrek zigilua bortxatu zuten eta kamoiaren barruan zegoen materiala osten ari ziren. Hain zuzen, edukiontzi barruan, paletetan pilatzen ziren eta metalezko piezak zituzten bidoiak lapurtzen ari ziren.

Bertaratutako ertzainek lau pertsona harrapatu zituzten (hiru emakumezko eta gizonezko bat), ustez aipatutako merkantzia lapurtzen eta beren furgonetan kargatzen ari ziren unean. Lapurretaren egileek hamar bat palet lapurtu zituzten, eta guztira, metalezko materialez betetako 40 bidoi baino gehiago.

Agenteek lau lagunak atxilotu zituzten (23 eta 32 urte bitartekoak, delitu aurrekariak dituzte guztiek), indarkeriaz egindako lapurretaren delitu bat egotzita.


270 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin