Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Hezkuntzan lan egiten duten hainbat adituk hartuko dute parte Kontseiluak Donostian antolatu dituen jardunaldi batzutan


2006-11-14 13:05

DONOSTIA, 14 (EUROPA PRESS)

Euskararen Gizarte Erakundeen Kontseiluak Ikasle guztiak euskaldundu: nola? jardunaldiak antolatu ditu, eta hezkuntzan lan egiten duten hainbat adituk beren ekarpena egingo dute. Hitzordua azaroaren 23an eta 24an izango da Donostiako Miramar Jauregian. Parte hartzeko izena eman besterik ez da egin behar komunikazioa@kontseilua.org posta elektronikora idatziz. Sarrera doan da eta gaiarekin arduratuta dagoen guztiak etor daitezke, adsierazi du Kontseiluko idazkari nagusi Xabier Mendigurenek.

Ekainean Kontseiluak euskalgintzako hezkuntza sektorearekin azaldutako txostenari jarraipena emango dio hausnarketa honek. Kontseiluak ekainean eginiko Eskola euskalduntzeko ezinbesteko eraberritzea: gogoetagaiak txostena abiapuntua izan da. Belaunaldi berriak osorik euskalduntzea ezinbestekoa da euskara normalizatzearen helburua lortzeko, azpimarratu du Mendigurenek.

Kontseiluak eta Eusko Jaurlaritzako Hezkuntza Sailak gai honen inguruko hitzarmena sinatu dute aurten, eta Kontseilua ikasle guztiak euskalduntzeko bidearen hausnarketa egiten hasi da. Hezkuntzako hainbat adituen ekarpenak jaso ditu, hain zuzen ere, hiru txostenetan.

Txosten hauetan irakaskuntzako hiru gai aztertzen dira: batetik, juridikoa; bestetik, soziolinguistikoa, psikolinguistikoa eta pedagogikoa; eta azkenik, operatiboa. Gaur egungo hezkuntzak zergatik ez duen euskalduntzen aztertu dugu zer egin behar den jakiteko, azaldu du Mendigurenek.

Jardunaldien lehen egunean Kontseiluaren oinarrizko txostenaren aurkezpena egingo du Ludi Vigera irakasleak. Eskola euskalduntzeko ezinbesteko erabirritzea: gogoetagaiak lana hausnarketaren abiapuntua izan denez jardunaldien hasieran azaltzea ezinbestekoa dela esan du.

Topaketen lehen egunean bertan, Felix Etxebarria EHUko Pedagogiako katedradunak, ikuspegi soziolinguistikoa, psikolinguistikoa eta pedagogikoa azalduko du. Etxebarriak egindako hausnarketa sakonaren edukiari buruzko hitzaldia egingo du. Hitzaldiaren izenburua Euskara eta gaztelania ikastea bermatuko duen hizkuntza-eredu baten alde da. Egungo egoera eta orain arte egindako ikerketen ondorioak jakinaraziko ditut, aditzera eman du Felix Etxeberriak berak.

Lehen eguneko jardunari bukaera emateko hainbat ekarpen jasoko dira: adituen ekarpen soziolinguistikoak, adituen ekarpen psikolinguistikoak eta pedagogikoak, eragileen ekarpenak eta parte-hartzaileenak.

BIGARREN EGUNA

Bigarren eguneko jardunari Azterketa juridiko-legala txostenak emango dio hasiera. Iñigo Urrutia EHUko irakasleak landutako txostenaren edukia azalduko du. Arlo juridikoan zailtasun handiak daude, hitzaldi honen bidez egoera eta aukerak azalduko ditugu, adierazi du Iñigo Urrutiak.

Azterketa operatiboa Kalen Astiz eta Julen Etxebarria irakasleek aurkeztuko dute. Bi aditu hauek ikasle guztiak euskalduntzeko zein urrats eman beharrari buruz hitz egingo dute.

Bukatzeko, sindikatuen, eragileen eta parte-hartzaileen ekarpenak jasoko ditu Kontseiluak. Ikasleak euskalduntzeko eragile guztien iritzia eta eskarmentua jaso nahi dugu, azpimarratu du Kontseiluko idazkari nagusiak.

Hausnarketa hau Eusko Jaurlaritzak otsailean ikastereduei buruz aurkeztu beharreko zirriborroaren edukia osatzeko euskalgintza eta hezkuntzaren ekarpena izango da, ikasle guztiak euskalduntzeko bidea azalduko dute, alegia. Era berean, hausnarketa honen emaitza Euskal Herri osoan aplikatzeko modukoa izango da, Euskal Herriko ikasle guztiak euskalduntzeko bidea azalduko du.


168 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin