Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Herrizaingo Sailak sms mezuen bidez hobetuko du pertsona ezinduek SOS Deiak zerbitzura zuten sarbide telefonikoa


2006-01-31 11:01

BILBO, 31 (EUROPA PRESS)

Larrialdiei Aurre Egiteko Herrizaingo Sailaren Zuzendaritzak metodo berria garatu du SOS Deiak zerbitzuarekin telefono bidez komunikatzeko. Horren arabera, larrialdi-egora batean pertsona ezinduek abisuak jaso eta bidali ahal izango dituzte telefonia mugikorreko SMS mezuen bidez.

Eusko Jaurlaritzatik ohartzen den arabera, urte hasieratik probatzen ari diren sistema honi esker, hitz egiteko eta entzuteko urritasuna duten pertsonek SOS Deiak ohartarazi ahal izango dute larrialdietan telefonia mugikor bidez SMS mezuak bidalita. Gainera, 112 zerbitzuko operadoreek berehala erantzungo die halako mezuei eta laguntza eskatzen duenarekin harremanetan jarriko dira.

Eusko Jaurlaritzak, Herrizaingo Sailaren eta Etxebizitza eta Gizarte Gaietako Sailaren bidez, lankidetza-hitzarmena sinatu du Euskadiko Gorren Elkarteen Federakuntzarekin zerbitzu berria elkarte horretako kideen artean erabiltzea errazteko, besteak beste. Halaber, zerbitzu hori beste hainbat kolektibotan hedatu eta sustatzeko asmoa dute, gizarte-ongizatearen foru zerbitzuen bidez.

Gipuzkoan, Larrialdiei Aurre Egiteko Zuzendaritzak eta Foru Aldundiaren Gizarte Politikarako Departamentuak zerbitzua, besteak beste, laringektomizatuen eta gorren elkarteetara hedatzeko bideak ireki dituzte. Beste bi lurraldeetan, berriz, laster abiatzea espero dute.

Orain arte, alertak telefax bidez mezuak bidalita komunikatzea aurreikusita zuen SOS Deiak zerbitzuak, baina zerbitzu hori etxean baino ezin zen erabili. Metodo hori oraindik erabiltzen duten arren, Larrialdiak Koordinatzeko SOS Deiak Zentroek SMS bidezko sistema berriak telefaxa baztertuko duela uste dute, arina eta berehalakoa baita.

SOS Deiak zerbitzurako sarbidea unibertsala izatea lortu nahi du hobekuntza horiekin guztiekin Herrizaingo Sailak, ahozko komunikaziorako urritasuna duten pertsonek dituzten mugak gaindituta.


131 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin