Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Heriotzen kopurua %19,4 jaitsi zen Euskal Autonomia Erkidegoan urteko lehen hiruhilekoan


2006-09-28 10:47

BILBO, 28 (EUROPA PRESS)

Euskal Autonomia Erkidegoan 4.906 pertsona hil ziren urteko lehenengo hiruhilekoan, hau da, aurreko urteko denboraldi berean baino %19,4 gutxiago. Lurraldez lurralde, Araban 594 pertsona hil ziren (%19,3 gutxiago), Bizkaian 2.733 (-%18,8) eta Gipuzkoan 1.579 (-%20,5), Eustatek gaur emandako datuen arabera.

Eustaten arabera, urteko lehen hiruhilekoa izan ohi da heriotza gehien gertatzen dena, eta arnas-aparatuaren gaixotasunak izan ohi dira heriotza kopurua gehien igotzea ekartzen dutenak. Aurten, ordea, jaitsiera garrantzitsua izan da 2005eko hiruhileko beraren aldean, zehazki, %44,7koa.

Gainera, 2006ko lehen hiruhilekoan, aurreko urteko hiruhileko beraren aldean, %18,9 jaitsi ziren zirkulazio-sistemako gaixotasunak. Arrazoi horregatik 1.536 pertsona hil ziren; beraz, horixe izan da heriotzen kausa nagusia, heriotza guztien ia heren baten kausa izan baitzen.

Heriotzen bigarren kausa tumoreak izan ziren, 1.368 heriotza ekarri zutenak (%27,9). Hirugarren tokia arnas-aparatuaren eritasunentzat izan zen, neguko hilabete hauetan 543 heriotza (%11,1) ekarri baitzuten.

Sexuaren arabera, heriotzaren eragileak ezberdinak izan ziren. Gizonen artean, tumore baten ondorioz hildakoak zirkulazio-sistemako arazoren baten ondorioz hildakoak baino gehiago izan ziren; emakumeen artean, ordea, heriotza gehien eragin zuten gaixotasunak kardiobaskularrak izan ziren eta bigarren gaixotasunak tumoreak. Arnas-sistemako gaixotasunak bi sexuen artean heriotzaren hirugarren arrazoi moduan mantentzen dira.

Bestalde, 2006. urteko lehen hiruhileko honetan, heriotzen artean urte bat bete ez zuten 13 ume hil ziren, bost mutil eta zortzi neska, hain zuzen ere.

2006ko lehen hiruhilekoko hazkunde begetatiboa negatiboa izan zen, 62 pertsona gutxiago izan zirelako. Lurraldeka, Arabak eta Gipuzkoak saldo positiboak izan zituzten, 108 eta 92 pertsona, hurrenez hurren; Bizkaian, aitzitik, heriotzak jaiotzak baino gehiago izan ziren (-262).


122 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin