Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Haydn-en LInfedelta delusa opera eskainiko du bihar eta igandean Bilboko Arriaga Antzokiak


2009-02-05 16:41

BILBO, 5 (EUROPA PRESS)

Bilboko Arriaga Antzokiak Franz Joseph Haydn-en LInfedelta delusa opera produkzio berriarekin hasiko du otsaila, bihar eta igandean. Arriaga Antzokia eta Bilbao 700 Fundazioa berriro elkartu dira maila altuko opera-ikuskizun hori eskaintzeko eta, baita Haydn (1732-1809) konpositorea omentzeko ere, haren heriotzaren 200. urteurrenean.

Opera honen estreinaldiarekin, amaiera emango zaio Bilbo Urtaro Barrokoa 08-09 programari. Egitarau horretan, denboraldi bakoitzean, musika barrokoko kontzertu eta opera onenak eskaintzen dira, Bilbao 700 Fundazioaren eta Arriaga Antzokiaren arteko lankidetzari esker, antzoki bilbotarreko arduradunek azaldu dutenez.

Horrela, LInfedelta delusa operaren musika-zuzendaritzaz Jeremie Rhorer arduratuko da, eta eszena zuzentzeaz, berriz, Richard Brunel. Eduarda Melo, Ina Kringelborn, Iain Paton, Julian Pregardien eta Thomas Tatzl-ek osatzen dute operako aktore-zerrenda, eta zuzeneko musika Le Cercle de lHarmonie orkestrak joko du, Mozart, Haydn eta XV. mendeko frantses errepertorioko obretan espezializatuak.

Europako Musika Akademiaren opera-produkzio hau 2008ko uztailaren 5ean estreinatu zen mundu mailan, Aix-en-Provence jaialdi ospetsuan. Arriaga Antzokian bihar eta igandean ikusteko aukera izango da, 20:00etan eta 19:00etan, hurrenez hurren.

Haydn-ek 1773. urtean konposatu zuen Toscanan girotutako opera. Italiako amodio-kontuen gaineko obra dibertigarria da: Filippo (Iain Paton tenorea) izeneko nekazari zaharrak Sandrina bere alaba (Ina Kringelborn sopranoa) aberats batekin ezkondu nahi du, eta alabaren eta gainerako pertsonaien sentimenduak ez datoz bat interes horrekin.

Gainerako pertsonaiak honako hauek izango dira: Vespina (Eduarda Melo sopranoa), Nencio (Julian Pregardien tenorea) eta Nanni (Thomas Tatzl baxua). Gutxi antzeztutako opera izan arren, Mozart-en Cosi fan tutte opera ezaguna inspiratu zuen; izan ere, Mozart Haydn-en ikaslea izan zen.


384 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin